1997 ස්වර්ණජයන්ති චිත්‍රපටsteemCreated with Sketch.

in Steem Sri Lankalast year

image.png
source

ශ්‍රී ලාංකේය චිත්‍රපට ඉතිහාසයේ දිශානතිය වෙනස් කෙරූ විශිෂ්ට චිත්‍රපට කිහිපයක් 1997 ස්වර්ණජයන්ති චිත්‍රපට නාමාවලියේ හොඳම චිත්‍රපට 10 වශයෙන් නම් කරන්නට යෙදුණා.මෙහි දහවන ස්ථානය ට චිත්‍රපට දෙකක් නිර්දේශ වීම විශේෂත්වයක්.එම චිත්‍රපට පිළිවෙලින් නිධානය, ගම්පෙරළිය, විරාගය, බඔරු ඇවිත්, සත් සමුදුර, තුන්මංහන්දිය පළඟැටියෝ දඩයම රේඛාව වැලිකතර සහ පරසතුමල් යන චිත්‍රපටයි.ඉතින් අද මා ඔබ හමුවට ගෙන එන්නේ එයින් තෝරාගත් චිත්‍රපට පහක් පිළිබඳවයි.

*මා ඔබ හමුවට ගෙන ඒමට තෝරා ගත් ප්‍රථම චිත්‍රපටය රේඛාව චිත්‍රපටයයි.

රේඛාව චිත්‍රපටය ලොව අග්‍රගණ්‍ය සිනමා කරුකරුවෙක් වුණ ආචාර්ය ලෙස්ටර් ජේම්ස් පීරිස්ගේ තිර රචනය, නිෂ්පාදනය සහ අධ්‍යක්ෂණය යටතේ නිර්මාණය වුණු විශිෂ්ට චිත්‍රපටයක්.ශ්‍රී ලාංකීය සිනමා කර්මාන්තයේ හැරවුම් ලක්ෂයක් සනිටුහන් කරමින් චිත්‍රාගාරයකින් පරිබාහිරව මෙරට නිෂ්පාදනය කළ ප්‍රථම චිත්‍රපටය වන්නේ ද රේඛාව චිත්‍රපටයයි.

මෙම චිත්‍රපටයේ කැමරාකරණය විලියම් බ්ලේක් විසින් ද, කලා අධ්‍යක්ෂණය සහ සංස්කරණය ටයිටස් ද සිල්වා විසින් විසින් ද සිදු කරලා තියෙනවා.1956 දී නිර්මාණය වුණු රේඛාව චිත්‍රපටයට සෝමපාල ධර්මප්‍රිය,මර්ටල් ප්‍රනාන්දු, ශේෂා පලිහක්කාර, අයිරාංගනී මීදෙණිය,ඩී.ආර් නානායක්කාර ආදී නළු නිළියන් රංගනයෙන් දායක වුණා.

මීළඟට අපි නිධානය චිත්‍රපටය ගැන විමසා බලමු.

ලාංකීය සිනමාව නව මඟකට යොමුකළ පුරෝගාමියා වන ආචාර්ය ලෙස්ටර් ජේම්ස් පීරිස් අතින් 1972 වසරේ දී අධ්‍යක්ෂණය වූ නිධානය චිත්‍රපටය ජී.බී සේනානායකගේ නිධානය කෙටිකතාව ඇසුරෙන් නිර්මාණය වුණ චිත්‍රපටයක්.මෙහි දෙබස් සහ තිර රචනය සිදු කරලා තියෙන්නේ තිස්ස අබේසේකර විසින්. නිධානය චිත්‍රපටය තිරය මත දිග හැරෙන්නේත් එය ක්‍රමිකව විකාශනය වන්නේත් කතාවේ ප්‍රධාන චරිතය වන විලී අබේනායකගේ ආත්ම කථනයක් විදියටයි. චිත්‍රපටයේ යොදාගෙන තියෙන ඇතැම් සිදුවීම් සහ දර්ශන විලීගේ ගූඪ මනෝභාවයන් වගේම ඔහු අතින් සිදු කෙරෙන අනාගත ඛේදවාචකයන් ද සංකේතවත් වෙනවා. එම්.එස් ආනන්දන්ගේ විශිෂ්ට කැමරාකරණ, ප්‍රේමසිරි කේමදාසගේ විශිෂ්ට සංගීත නිර්මාණය, විලීගේ චරිතය රඟපාන ගාමිණී ෆොන්සේකාගේ රංගනය ද නිධානය චිත්‍රපටය විශිෂ්ටත්වයට බලපාලා තියෙනවා.

මීළඟට මා තෝරා ගත්තේ තුංමංහන්දිය චිත්‍රපටයයි.

image.png
source

ලොකුමාමාගේ ජීවිතේ සිය බෑණණ්ඩියගේ කෝණයෙන් කියා පෙන්වන තුංමංහන්දිය නවකතාව පාදක කරගෙන තමයි 1970දී තුංමංහන්දිය චිත්‍රපටය නිර්මාණය වුණේ. අපේ සිනමා ඉතිහාසයේ ස්වර්ණමය සලකුණක් විදියට මේ සිනමාපටය හඳුන්වන්න පුළුවන්.මෙම චිත්‍රපටය එක්තරා යුගයක මෙරට සිටි ග්‍රාමීය මිනිසුන්ගේ අධ්‍යාත්මය වෙත එබී බලන්නට දැරූ උත්සාහයක ප්‍රතිඵලයක් විදිහට දකින්න පුළුවන්. සිනමාකරුවෙක් වශයෙන් මහගම සේකරයන් අතින් නිර්මාණය වුන මෙම චිත්‍රපටයේ තිර රචනය සහ අධ්‍යක්ෂණය යන අංශ දෙකම ඔහු විසින්ම සිදු කිරීම විශේෂත්වයක්. මෙම චිත්‍රපටයේ නිශ්පාදනය ච්තා බාලසූරිය විසින් ද සංස්කරණය දිල්ලිමුණි ජයතිස්ස විසින් ද සිදු කරලා තියෙනවා. ජෝ අබේවික්‍රම, කුමාර බාලසූරිය, ශාන්ති ලේඛා යන අය මෙම චිත්‍රපටයට රංගනයෙන් දායක වුණා.

මීළඟට අප ගම්පෙරළිය චිත්‍රපටය විමසා බලමු.
ගම්පෙරළිය චිත්‍රපටය 1963 වසරේදී මාර්ටින් වික්‍රමසිංහයන්ගේ ගම්පෙරළිය නවකතාව පදනම් කරගෙන ලෙස්ටර් ජේම්ස් පීරිස් අධ්‍යක්ෂණය කළ චිත්‍රපටයක්.මෙම චිත්‍රපටයේ තිර රචනය රෙජී සිරිවර්ධන ද,සහාය අධ්‍යක්ෂණය තිස්ස අබේසේකර ද, කැමරාකරණය විලියම් බ්ලේක් වි කරන විලියම් බ්ලේක් විසින්ද, සංස්කරණය සුමිත්‍රා ගුණවර්ධන විසින්ද සංගීත අධ්‍යක්ෂණය ඩබ්ලිව් ඩී අමරදේව විසින් සිදු කරලා තියෙනවා.ලාංකීය සමාජයේ දක්නට තිබුණු කුල භේදය පිළිබඳව සාකච්ඡා වුණ මේ චිත්‍රපටයේ නන්දාගේ චරිතය පුණ්‍යා හීන්දෙණියත්, පියල්ගේ චරිතය හෙන්රි ජයසේනත්, තිස්සගේ චරිතය වික්‍රම බෝගොඩත්, ජිනදාසගේ චරිතය ගාමිණී ෆොන්සේකා විසිනුත් රඟ දක්වලා තියෙනවා.

මීළඟට මා තෝරා ගත්තේ වැලිකතර චිත්‍රපටය යි.
1971 වර්ෂයේ ඩී.බී. නිහාල්සිංහයන් අධ්‍යක්ෂණය කළ වැලි කතර චිත්‍රපටය සිනමාව තුළ ශක්තිමත් වාණිජ පදනමක් ගොඩනගන්නේ කවර ආකාරයකට ද යන ප්‍රශ්නයට කදිම පිළිතුරක් වූ චිත්‍රපටයක්. වැලි කතර චිත්‍රපටය සඳහා විෂය වුණේ නීතිය හා සාමය රැකීමට කැපවුණු උසස් පොලිස් නිලධාරියෙකු වන වික්‍රම රන්දෙනිය සහ නීති විරෝධී ජාවාරමක යෙදුණු ගෝරිං මුදලාලි අතර සටනක්. මෙය ගාමිණී ෆොන්සේකාගේ සහ ජෝ අබේවික්‍රමගේ රංගන ප්‍රතිභාව හොඳින්ම විදහා දැක්වෙන චිත්‍රපටයක්. ලංකාවේ මුල්ම සිනමාස්කෝප් චිත්‍රපටය වන්නේ ද වැලිකතරයි. ඒ නිසා මෙම චිත්‍රපටය දේශීය සිනමාවේ හැරවුම් ලක්ෂය ලෙස ද හඳුන්වනවා.

ඉතින් අද අපි කතා කරේ අපේ චිත්‍රපට ඉතිහාසයේ තිබුන හොදම් චිත්‍රපට කිහිපයක් ගැන. ඉතින් මේ වගේ තවත් වටින ආටිකල් එකක් එක්ක ඉක්මනට හම්බෙමු.

Coin Marketplace

STEEM 0.35
TRX 0.12
JST 0.040
BTC 70601.11
ETH 3576.21
USDT 1.00
SBD 4.78