Get Together with ගමේ ප්‍රෙන්ස්...

අපේ ගමේ මම ඉන්න හරියේ මගේ වයසේ වගේ කොල්ලෝ ඉන්නේ කීපයයි. ඇත්තටම කිවොත් 4ක්‌ හිටිය. කෙනෙක් මේ ලඟදි රට ගියා 🙂. ඉතින් දැන් ඉන්නේ 3යි.. තුන උනාම නිකන් එකෙක් හලලා සෙට් වෙන්න අමාරු වගේ සීන් එකක් තිනෝ නේ. ඒ හින්ද අනිත් දෙන්න කාලයක් ඉඳලා ගෙදර එන්නේ කවද්ද කවද්ද කියලා අහ අහ හිටියේ..

මම ගෙදර එන්න කලින් පොඩි ගමනක් ගියා.. ඒක ගැනත් කියන්නම් පස්සේ.. ඒක ගිහිල්ල ඇවිල්ල.. පොඩ්ඩක් බෝඩිමේ මහන්සි ඇරලා පස්සේ දවසේ මම ගෙදර පැත්තේ යන්න තීරණය කරා. බස් වල එන්න බැ. කටුබැද්දේ ඉඳලා ටිකට් එක රු. 400ක්‌ වගේ මම හිතන්නේ. ඒ හින්ද මම නම් යන්නෙම කෝච්චියේ.

රුපියල් 80යි ටිකට් එක අම්බලන්ගොඩට.. මම ගිහිපු වෙලාවට කෝච්චි 2ක්‌ තිබ්බ. දෙවනියට ආපු එක බෙලිඅත්තේ යන එක.. පරක්කු වෙලා ඒක පැය එකහමාරක් විතර. මුල් එකේ සෙනග නිසා එකේ ආව. වාඩි වෙලා යන්න ත් පුළුවන් උනා..

අම්බලන්ගොඩින් බැහැල මම ගියේ Food City එකට. ගෙදර අරන් යන්න පොඩි දේවල් ටිකක් ගන්නකොට ගමේ ප්‍රෙන්ස් ල මතක් වෙලා කොත්තු රොටි පැකට් එකක් ගත්ත. කලින් 250ක්‌ වගේ.. දැන් MDK එක රු. 577යි. Finagle එක රු. 600යි. MDK එකක් ගත්ත මම. ඒකෙ ගාන අඩුයි.. තව 250g වැඩි..

පස්සේ දවසේ තාත්තාට කීවා කඩේ යනකොට බිත්තර ගෙන්න කියලා. එළවලු ටිකක් ගේන්න කියන්න අමතක උනා. ඒක මට‍ කඩේට ගිහිල්ල ගෙන්න උනා. වැඩි දෙයක් නෙවෙයි. කැරට්, ලීක්ස් විතරයි.. පස්සේ ඉතින් ප්‍රෙන්ස් ලට කියලා දවසක් දාගෙන සෙට් උනා.

එළවලු එව්වා මෙව්වා කපල ලෑස්ති කරාම හිතුන චිකන් කෑල්ලක් තිබ්බනම් හොදයි කියලා.. ඉතින් ලඟ කඩේට පයින් ගිහිල්ල 500g වගේ කෑල්ලක් ගත්ත. 2Bar Ice Cream 3කුත් ගත්ත. ගිහිල්ල මස් කරි කුඩු පැකට් එකක් දාල චිකන් එක හැදෙන්න දාල පොඩ්ඩක් Lucifer TV Series එක බැලුව කස්ටිය එක්ක. ඒක මාර ෆන්..

හොද්ද හ‍රි ගියාම තාච්චියට තෙල් ටිකක් දාල තිබ්බ ලිපෙන්. පස්සේ නේ මතක් උනේ ළුණු කැපුවේ නෑ කියලා. සෙනිකව කැපුවා තෙල් කර වෙන්න කලින්. පස්සේ බිත්තර දාන්න ඕන නේ. ඒක මතක් උනේ කැරට් දැම්මට පස්සේ.. අව්ලක් නෑ අවසානේ දි mixture එක අව්ලක් උනේ නෑ..

පස්සේ සෝයා සෝස් ටිකක් දාල රොටි කෑලි ටික දාල mix කරා.. වේලුන ගතියක් කොත්තු එකේ තිබ්බ නිසා චිකන් හොදි ටිකක් දැම්ම. එතකොට තමයි පොඩ්ඩක් කොත්තු එක පාට වෙලා ආවේ.. පස්සේ පොඩ්ඩක් ලිපේ තියලා බෑවා.. රහ බැලුවේ පස්සේ.. පොඩ්ඩක් විතර ලුණු ඉස්සර වෙලා තිබ්බ.. අව්ලක් නෑ..

පස්සේ ඉතින් කස්ටිය එක්ක Lucifer බලබල කෑව..දළ වශයෙන් රු. 1400 වගේ ගියා අපිට ඔක්කොම ඒවාට.. රු. 1400ට Full කොත්තු 3ක්‌ දැන් ගන්න බැ නේ කෝමත්... එකක්ම 900ක්‌ 1000ක්‌ වගේ වෙනෝ.. පාඩු නෑ වැඩේ.. අනික MSG Free.. 😌