ලස්සනට වවන ගස

ඔයාල හිතන්නේ මේ මොකක් කියලද? මේ තමා ජෑම් පේර. සමහරු මේකට චීන පේර කියලත් හදුන්වනවා. තවත් සමහරු ඇඹුල් පේර කියලත් හදුන්වනවා. මෙය ඉතාමත් රසවත් පළතුරක් වන අතර ශ්‍රී ලංකාවේ මධ්‍යම කඳුකරය මෙන්ම නකල්ස් හා රක්වාන කඳු පද්ධතිය දක්වාද ව්‍යාප්තව පවතින ආගන්තුක ආක්‍රමණශීලි ශාකයක් ලෙස නම් කල හැකියි. මෙම ශාකය යටත් විජිත යුගයේ ශ්‍රී ලංකාවට රැගෙන විත් තේ වතු ආශ්‍රිතව වගා කරන්නට ඇතියි විශ්වාසයක් පවතී. දකුණු ඇමරිකාව නිජ බිම කරගත් මේ ශාකය මේ වන විට ස්වාභාවීකරණයට ලක්වී ඉතා වේගයෙන් ව්‍යාප්ත වන බවක් පෙන්නුම් කරයි.

මෙම පැළය පැල තවානකින් මිලදී ගැනීම සදහා අපිට රුපියල් 5000.00 ක් මුදලක් ගෙවීමට සිදු විය. බෙදා හැරීම ඔවුන් විසින්ම කරනු ලැබීය.

මගේ පුතාගේ නව නිවසේ මැද මිදුලේ සිටවීම සදහා අපි මේ පැලය ගෙන්වුයෙමු. මගේ පුතාගේ නිවස මේ වන විට නිම කර ඇත්තේ එක් තට්ටුවක් පමණි. එම නිසා එම තට්ටුවේ වහලය මේ චායාරූපයේ පෙනෙන ආකාරයට ෂීට් එකකින් ආවරණය කර ඇත. දෙවන තට්ටුව නිම කල පසු මේ ආවරණය අයින් ක‍රන බැවින් මේ පැලය දෙවන තට්ටුව දක්වාද වැඩෙනු ඇත.

මෙය දැනට ගෙනා ආකාරයටම මල් පෝච්චිය පිටින් මැද මිදුලේ තබා ඇත්තේ මෙහි ඇති හිරු එළියට ගස හුරු වී ගසේ වැඩීම ආරම්භ කිරීමටයි.

සති ගානක් පවතින හිරු කිරණට ගස හුරු වූ පසු මැද මිදුලේ කොනට වන්නට සිට වීම සදහා සියලු කටයුතු සුදානම් කර අවසනය. ගසේ මුල් වැඩී නිවසට වන හානිය වැළැක්වීම සඳහා ගස පිටුපසින් පෙනෙන නිල් පාට බැරලය වල දමා ඒ තුල ගස සිටුවීමට බලා පොරොත්තු වෙමු.

මෙම පැලය මැද මිදුල මැදට නොගෙන කොනකට වන්නට සිටු වන්නේ ඇයි දැයි ඔබට සැකයක් මතු වනවා නොඅනුමානය. එසේ කිරීමට හේතුව නිවසේ උඩු මහල සඳහා තරප්පු පෙළ ඉඳි වෙන්නේ දැනට මේ රූපයේ පෙනෙන පරිදි ගස තිබෙන ස්ථානයේයි. එවිට තරප්පු පෙළ සඳහා හොදින් ඉඩ කඩ අවශ්‍ය බැවින් ගස කොනකට වෙන්න සිටුවන්නට තීරණය කර ඇත්තෙමු.

මෙසේ ගසක් නිවස තුල සිටුවීම මගින් එක්තරා විදියකට ලස්සනක් මෙන්ම අනෙක් අතට ශරීර සෞඛ්‍යට ද යම් තාවයක පිටු වහලක් ලැබේ.

මගේ අදහසට අනුව නිවස තුල පොකුණක් ඉදි කරනවට වඩා මෙවැනි ගසක් සිටු වීම ඉතා කාලෝචිත ක්‍රියාවක් බව මාගේ වැටහීමයි. ඔබේ අදහස් මිට වඩා සම්පුර්ණයෙන්ම වෙනස් වනු ඇත. එය එකී නෙකා ගේ සිතැඟි අනුව වෙනස් වේ.

මගේ ලිපිය කියෙව්වාට ස්තුතියි,