nyou yum jih 110 ribee😂😂😂

Saleum Rakan Steemit Meutuwah 😇

Urounyou hana jak sahoe, ban lheuh magun pih. Geu you tagun "oun ubi tumbok medan" lee mas lakoe😂😂 hana boh cawing bak ureung meukat gulee, hana pat mita leusong, ka keuh lagee na aju😂 boh cawing ta ganto ngen boh trueng, hana leusong ta takat ju ngon blender😂😂 han ta jak teumeung koh-koh haloih ngen sikin, abeih watee hinan mantong nteuk.

nyan hasee, aleh kiban nyum jih, babah reuhang han jeut ta rasa sapeu, kureung sihat bacut aneuk muda urou nyou😷

Miseu gob ji peugot oun ubi tumbok nyan, lheuh ji reuboih baro ji tumbok nak anco, iloeng away loen blender baro loen reuboih peulumpok. Nak hi lagee oun ubi tumbok keubit, loen tamah ju oun kruet ngen bak rheu😆, hay miseu bumbu kon saban syit lagee oun ubi teupeuleumak drou teuh. Nyan saboih peunyaket syit bak Uloen Tuwan😊 miseu loen magun, peukara bumbu syit lagee jikheun atee ngon utak mantong, hantom ikot atoran atawa resep nak mangat jeut😂😂😂 hom lah, syit ka begitu diri. Tungang bacut 😆.

nyang paih keu oun ubi nyan syit eungkot masen atawa tri medan ta sambai ngon kacang😘 tapi yahtuwan han jeut keunong nyang masen2 that, kakeuh boh puyuh sambai mantong😂😂

Pakon han peugot kuah pliek mantong? Nyou peukara hek bacut beuh.. HANA STOK PLIEK😂😂😂. Miseu ta peugot pih, jeut jih kuah pliek bangai😂 hanjeut boh oun dan boh mulieng, saweub yahtuwan pih hanjeut keunong atranyan😆. Meumada ngon peu nyang mudah mantong.

Uloen Tuwan seubeutoi jih hana that sosah keu peukara magun nyan😆 teuma kadang-kadang glak keudrou bak magun saweub bahan chit TTS alias ta ta sot😈 eungkot chit payah, sasabee sie manok. Yahtuwan chit kuwat that bak geupajoih sie manok😯 saweub nyan nyang paleng aman keu darah geuh ngon keu igoe😊 hana lee igoe geuh, adak mantong teuga geu rhak u cong bak rambot. Lheuh geu pot boh rambot, atee neuh na geupajoih? NA MISEU NA LOEN REUBOIH NGEN IE SAKA😂, hek geu piep aneuk rambot, sijeum galom teunte seuleuso saboih😊. Jadi, lheuh geu pot boh rambot, kamoe dan ureung lingka nyang hayak😆.

Adak boh drien leumik pih han geu karat that saweub yo geuh miseu ji ek darah enteuk, tapi miseu loen peugot kuah boh drien ngon bu lukat syit hansep saboih pingan😂😂😂 geu peugah, nyan han that bahaya keu darah geuh. Padahai syit leubeh gawat😊 kiban han teuma? Bu lukat keunong santan, boh drien keunong santan ngon saka bacut lom😁. Hom lah, ureung miseu ka hawa atawa galak keu barang kapeu eumpeun syit geu teu'oh that mita alasan.

Lagee tanyou syit😀 miseu ka galak teuh keu padum-padum hai, dumpue jeut ta peugot asai buet di jak dan meuhasee lagee hawa teuh. Memang han sasabee meuhasee, saweub hasee teugantong upaya syit, alheuhnyan kiban Kehendak Po teuh Allah SWT. Bek that kecewa teuh miseu han meuhasee lam tiep buet get nyang ta peubuet dan niet syit😊 bek tuwo kheun Bismillah dan Alhamdulillah mantong.

OKMK, han jeut ta karat that teumuleh kalinyou😂😂 broih putoih pih ka troih 500 kata (kop meuchap rupajih Uloen Tuwan yaaa😂😂😂)

Ohno keuh meunan keuh, Wassalamu🐛🐌🐙🐉☕☕☕