Bek Tuwe Jak Traweh
Nyo Tuwanku peuingat gata bek lale ngon stimit, bek sampae hana tajak seumayang traweh. Memang traweh nyan sunat, teuman bek saga-sagai gata tinggai, sabab traweh nyan hana bak buleun laen. Bek na rencana neujak kadha traweh bak buleun haji. Jadi, bek lalo.
Jeut maen stimit hana so tham, teuman bek sampe lalo tinggai traweh. Masalah rakaat nyan pih bek neujak peudong dawa. Neuseumayang laju padup yang suka. Pu 20 atawa 8 sama saja. Bek neujak peuget karu gara-garanyan. Nyo donya kamaju bek gadoh dawa ata-ata sot.
Lheuhnyan lom meuno, na sit akai rakyat stimit diseumayang tan, tapi dijak oplod poto traweh. Nyan kon ulok-ulok geukheun. Dijak mita peng ngon poto traweh, kon diibadat. Nyan bekna le akainyan. Hana got.