Kalinyo Tuwanku Raja Payah Calon Droe Keu Ambrakador

Asai gamba: http://www.elementsport.ca/greg-davies-element-team-ambassador

Lawetnyo macam bago dum kajadian di lua istana. Barosa na Tuwanku tarimong inpho na yang gabuek-gabuek ngon stim ambrakador. Na sidro stim ambrakador kaleupah nariet nibak postingan. Nyan inpho Tuwanku tarimong dari Pasukan Intlejen Asam Sunti.

Meunan Tuwanku tarimong haba, Tuwanku langsong laju engkol Vorjider jak sigra u TKP. Bit beutoi lagee haba nyang katroeh u istana. Nibak posting okonum ambrakador nyan memang gasa tat-tat bak Tuwanku baca. Lheuhnyan Tuwanku baca lom komen awak laen di sinan. Wate kalheuh Tuwanku baca dan kalon mandum pihak nyan, pu yang posting atawa yang komen ka saban-saban jawai.

Asai Gamba: https://steemit.com/steemambassadorapproval/@steem-ambassador/steem-ambassador-applicant-approved-kesolink-community-approval-required

Si ambrakador dipeutheun drojih beutoi, di awak komen pih dipeubeutoi dro. Maka manurot Tuwanku bandum rakyatnyan ka dijep koyok. Teuman, di lua daripadanyan, Tuwanku memang palak tat baca komen si ambrakador nyan. Adak meudeh nyan-nyan model tulesan keupu dijak baba nan ambrakador. Male ambrakador laen gara-gara teungku meutuwah nyan.

Na lom barita laen. Tuwanku baca nibak Koran The Beulacan Times, nyang bahawa na padup-padup dro rakyat stimit kadimulai calon lom drojih ukeu anggeita stim ambrakador. Bak Tuwanku hana masailan nyan, calon laju. Teuman Tuwanku peu ingat bak gata-gata nyang kajuet keu ambrakador atawa nyang calon droe keu ambrakador beu teugoh-teugoh bak peuteubit narit. Bek sampe rakyat nyang ka didukong gata saket igo dibaca postingan lage barosa. Takot-takot na yang muntah. Teuman kon kahek lom, payah opname. Beuneuteupu, saket muntah gara-gara baca posting atawa baca komen nyan hana ditanggong BPJS. Tuwanku peuingat sagai.

Alheuhnyan lom, nyo Tuwanku pih nak calon dro keu ambrakador. Meunyo gata-gata saboh pakat ngon Tuwanku jeut sokong Tuwanku sebago ambrakador di endonesya. Program Tuwanku nakeuh promo-stim ngon bahasa etnik, kon bahasa neisyenel. Nyo peunteng nak mandum etnik geutanyo dipeuturi bahasa droejih uke bansa-bansa luwa, nak saban mesyeuhu mandum-mandum bahasa.

Asai gamba: https://www.motorbeam.com/hm-stops-ambassador-production-end-of-the-road-for-amby/

Nyan etnan dile haba nibak Tuwanku Raja. Nyan bek na le amrakador yang batat, rakyat pih meunan bek na le yang ulok-ulok. Bek tuwo dukong Tuwanku keu ambarakador. Tabek nibak Tuwanku Raja dari Casablanca.