" Nganong IKAW pa man? "

"Nganong IKAW pa man?"

Nganong ikaw pa man
Ang gipili niining gapitik kong dughan?
Nga naa pa man untay daghang kapilian
Pero ikaw ra gyud, wala nay lain, wala nay uban

Kanus.a ba nagsugod kining pamati?
Nga kung kita magkita, musmile jud pirmi
Nga huna-hunaon pa lang ka, dayun dayug ngisi
Ngising sa kalapad, akong ngabil murag na sigurog magisi

Naay mga adlaw nga kita magkuyog padung uli
Kay ang ato untang mga kauban alas onse na lang busy gihapon ug tabi
Naa say kausa nga ako gihagad mo sa pagpauli
Pero tungod kay sa event atong adlawa mukanta pa, ako nibalibad ug nagdumili

Kung kitang duha sa pagpauli magkuyog
Imong tingog nga dili makapuol
Talagsa ra nako madungog
Hilomon lang gyud ba ka, tabi-an lang gyud ba ko o awkwardan ka
kung kita magkakuyog?

Naay kausa nga gi-ingnan tika
"Sorry kaayo, tabi-an kayko. Gisamukan na ka?"
Pero agig tubag dala pahiyum imo kong giingnan,
"Okay ra uie, dili ka boring kauban tungod sa imong pagkatabi-an."

Abi ko man ug mao na to ang sinugdanan
Sa usa ka damgong mahimong kamatuoran
Na ako makabaton ug laki nga ako ampingan
Ug makapalingkawas sa pamating sa akong dughan dugay nang gisirad-an

Pero naay usang higayong nakit-an tika
Kuyog sa usa nako ka suod na amiga
Galingkod mo sa hagdanan, nagtabi, nagkinataw.anay
Sa kadto nga panlantawon, nakaingon gyud ko nga ga.expect nasad ko ay

Ang damgo nga abi ko ma'g mahimong kamatuoran
Damgo ra man diay gihapon ang padulngan
Kay murag kung wala siya, anha ra ko nimo mahinumduman
Pero sakto ba kaha ni akong nahuna-hunaan?

Naay panagsa
Nga maghuna-huna kong what if naay kita
Pero magpanglingo-lingo dayun ko
Kay friendship lang gani nato, wala pay klaro

Maong karon kanimo,
Igo lang gyud ko sa paglantaw sa layo
Kay kung ako man gani para nimo ug ikaw para kanako
Naa ra gyuy saktong oras, panahon ug rason para kana mahitabo
P.S The picture's not mine but the poem is. :)