Kam paise me shuru kare ye business

Hello Dosto, Apne pichle post me maine aap ko play school ke baare me bataya tha aur aaj main aap ko kisi aur business ke baare me bataunga. Aaj main aap ko aise business ke baare me bataane jaa raha hoon jo business aap chote shahr me bhi kar sakte hai. Sabhi log koshish karte hai ki bade shahar me job kare jaha ilaka hara bhara rahta hai taaki aise jyada customer banenge. Aaj ke jamaane me to aap jaante hi hai shahar me dukaane kitni mehngi ho gayi hai. 

Img src

Ek shop rent me lena chaho to pahle 5 lakh se jyada nakdi deni padti hai. Sirf dukaan ki nagdi fir rent alag aur jameen lo to usme alag kharcha hota hai. Shahar me jameen bhi sasti nahi hai kyo sahi bol raha hoon ki nahi main. Main to isliye gaon me rahta hoon shahar me ghar kharidne ki aukaat nahi hai. Gaaon ka vatavaran achha hota hai isliye gaon me rahna mujhe pasand hai. Aaj main aap ko kuch aisa hi business bataunga jo aap chote shahar aur gaon me bhi kar sakte hai isliye agar aap ko chote shahar me business karna hai to ye jarur padhe. 

Chakki ka unit laga sakte hai

Aap ko pata hai gaon me chote shahro me aap ye chakki ka unit lagayenge to aap ke liye bahut achha rahega. Gaon me jyadatar log gehu piswaate hai makkayi piswaate hai ye sab piswaate hi rahte hai. Hum bhi gaon me rahte hai aur gehu lete hai aur khud usko piswaate hai. Koi milawat nahi ek dum sudh rahta hai aur aisa chakki unit aap ka shahar ke alawa gaon me bhi achha chalega. 

Investment ka pata nahi mujhe ki kitna hoga lekin aap pata kar sakte hai waise jyada mehnga nahi hoga. Ek baar ka hi investment hai wo unit lagane ke baad aap har roj mast kama sakte hai aur ye ek achha business ho jaayega kahi jaane ka nahi padega. 

Electronic repair kaam shuru kar sakte hai

Aaj kal to sabhi ke ghar me electronic samaan rahta hai jaise pankha tv aur wo sab chije jo bijli se chalti hai. Ye sab baane ki aap shop khol sakte hai lekin iske liye aap ko pahle sikhna padega. Bina sikhe to aap ye sab bana nahi sakte hai na. Ye sab aap ko pahle sikhna padega. 

Aur ye business bhi bahut sahi hai bhai ek baar jam gaya to jindagi bhar kamayi hote rahegi. Lekin banana aana chahye bina iss ko sikhe aap se to nahi ho paayega ye sab. 

Main bhi ye sikhne ki soch raha tha lekin abhi main kahi aur job karne laga isliye maine ye nahi ki agar main job na karta to main yahi chij shuru karta. Ye business bahut achha hai iss me faayda bahut hai. Bas baith ke electronic samaan banaate raho aur note chaapte raho mast.