Duek Tumpok Binatang [Bahasa Aceh]

Bak si uroe mandum binatang jimesapat untuk duek Tumpok. Duek Tumpok nyoe dipimpin langsong le raja rimba Rimueng. Tujuan duek Tumpok nyoe nakeuh membahas masalah kondisi binatang nyang selalu berkonflik dengan manusia.

Rimueng selaku pemimpin rapat gebri kesempatan ke mandum binatang untuk pesampoe masalah nyang dihadapi.

Gajah: tuanku raja, kondisi kamoe cukup sedih, cukop le aneuk cuco kamoe nyang jipoh le manusia, ji racon, jiboh marcon, dan jiboh perangkap taron. Makajih kamoe balah ulah manusia dengon kamoe pehanco tanaman dan ladom kamoe geudham manusia hingga mate.

Bue: ampon tuanku raja. Kamoe teupaksa mita sedekah bak jalan raya karena uteun kamoe hana le timoh makanan, uteun kamoe kajeut ke kebon sawet, ampon tuanku raja jino kamoe suah dong bak jalan Seulawah dan Geureute.

Buya: tuanku raja, habitat kamoe jiganggu, makajih kamoe pajoh padup padup droe manusia di Krueng dan di paya.

Rangkong: kamoe jinoe cukop brat diburu le manusia, kamoe jitimbak dan jipubloe Ulee kamoe.

Rimueng: berarti nasib tanyoe sama mandum, jangankan awak drokeuh, lon selaku raja rimba pih cukop brat ji buru. Tapi dikah bue bek meunan, bek le Mita sedekah bak jalan raya malee tanyoe jikalon le gop.

Muruwa: betoi tuanku raja, Bue bekle dong bak jalan malee teuh.

Klueng: lon dengo jinoe gubernur manusia na program konservasi untuk kepentingan tanyoe, kiban man nyan.

Badeuk: konservasi nyoe konservasi jeh, tanyoe abeh telaju. Nyang pah keudeh bak pendopo gubernur tapesapat droeteuh.

Cerape: nyan yang ka betoi, bak pendopo na bak Kayee raya, jadi natempat meuen si Ben.

Miriek: pajan man tajak bak pendopo, lon cukop trep hana jak u Banda, sekalian lon neuk Jak saweu rakan lon di Peunayong dalam cintra.

Got got: bek dilee gabuek, bek gegabah, mandum penetoh na bak raja.

Mawah: rakan lon jipegah na di rawa Tripa, aleh betoi, man lon kalon lewat citra satelit di rawa Tripa nyangna le cit bak sawet aleh pajan rakan lon jeut ke buruh sawet.

Rimueng: bohka, mandum masalah ka tadengo, jino tinggai tacok kesimpulan kiban cara man taselesaikan masalah nyoe, kiban na pendapat bak rakan rakan, puena saran ticem Keutotok.

Keutotok: bak lon hana saran le, nyangpah cit u pendopo tajak untuk tapesampoe masalah tanyoe.

Gajah: meunoe mantong, segolom tajak demo bah takirem mantong surat peringatan ke gubernur, menyoe surat tanyoe hana gerespon nyan baro tasewa pesawat tajak u Kuta raja.

Rimueng: nyan pendapat gajah jeut tapakek.

Cem Pala: man soe nyang tem suson suratnyan. Soe na kemampuan, menyoe si Ben hanjeut tapeharap jih gadoh laloe ngon pisang.

Bue: hahahaha

Rimueng: kabereh, talake tulong bak @nasir83 untuk suson notulen rapat nyoe untuk tayue petroh bak Gubernur.

Tupei: soe @nasir83 nyan, han tom lon dengo lagoe nan nyan.

Badeuk: nyan rakan tanyoe, jih manusia, jih sering jak saweu tanyoe dalam uteuen, bak jih jeut talake tulong pesampoe nasib tanyoe.

Buya: oooo kateingat lon, jih na pernah merempok Ngon lon di rawa Singkil. Rab lon ap jih, lah lon kalon hatee jih jroh untuk pejuang nasib tanyoe.

Tupei: oooo kateingat lon, tapi watee jih tinggai di Buloh sering that jipusue lon

Sidom Apui: nyan salah drokeuh tupei, kepue kajak pajoh boh coklat jih

Tupei: nyoe cit.. hahhahaha

Rimueng: boh ka, notulen rapat nyoe kaleuh gesuson dengon jroh. Insyaallah akan troh bak gubernur Aceh untuk peselesoe masalah tanyoe. Semoga dalam thon nyoe masalah tambang meuh ilegal, galian c ilegal, koh Kayee, tot uteuen, perusak uteuen, beselesoe dalam thon nyoe. Man menyoe han cit selesai, maka tanyoe tron mandum u Kuta raja, kiban na pakatttttt.

Pakattttttttttt

Salam Adil dan Lestari