"Kagipitan"- My filipino poetry.
Orihinal na katha ni: Marigen aka @greatwarrior79
Kalagayang nararanasan ng sinuman,
Dito sa mundong ating ginagalawan.
Ang iba'y gumagawa ng solusyon sa mabuting paraan,
Subalit ang iba ay kumakapit sa kasamaan.
Laganap ang salitang ito sa buong mundo,
Kahit ang mga matatalino't mayaman ay napagdadaanan ito.
Kahit anuman ang kalagayan mo,
Kagipitan ay walang sinasanto.
Kapit sa patalim ang kadalasan ay ginagawa,
Upang matugunan ang kumakalam na sikmura.
Kabutihan sa puso ay unti unting naglalaho,
Dahil sa kagipitan,isipan natin ay nagbabago.
O'kagipitan ikaw ba ay sadya?
At bakit ka pinapahintulutan ng Lumikha.
Bakit maraming taong buhay ay napapasama?
Dahil sayo,buhay ng marami ay napapariwara!
Ngunit sa huli ay aking napagtanto,
Kagipitan ay nangyayari sa buhay ng bawat tao.
Upang tayo ay matutong tumawag,magpakumbaba at manalangin,
Sa Diyos na mapagmahal,na nagpahiram ng buhay sa atin!
Salamat po sa inyong pagbasa sa aking munting tula. At sana nagustuhan nyo po ang mensahe ng aking akda. Mabuhay po ang lahat ng manunulang pilipino! Salamat ng marami!😊
Marigen aka @greatwarrior79
Vote my witness: @good-karma; @cloh76.witness; @steemgigs ; @ausbitbank and @precise
To cast your vote visit https://steemit.com/~witnesses
