200 crore par kar gayi URI

Akhir kaar film ne 200 crore kama hi liya, iss ki umeed kisi ko nahi thi lekin fir bhi film ne 200 crore kama hi liya. Mujhe to laga tha ye film 100 crore kama legi kisi tarah se lekin yaha to iss ne double century laga li hai. Sach me iss film ne to kamaal hi kar diya hai mitro. Vicky kaushal bhaiyya to chaa gaye hai iss baar aur aisa lag raha hai ab ye bande ko bhi achhi achhi filme milegi. 

Image from vicky kaushal

Sunne me aaya hai ki rakesh sharma ki biopic srk ne reject kar di hai aur ab wahi film vicky ko milne jaa rahi hai. Ab tak tay nahi hua hai ki kon karega uss film me kaam aur usme se ek naam vicky kaushal ka bhi aa raha hai. Ye banda bhi ab rakesh sharma banne ke kataar me aa gaya hai. 

Uss film ka naam hoga saare jaha se achha. Ye film kon karega ab tak tay nahi hua hai. Sab log shahrukh khan ki aane waali film ka intezaar kar rahe hai ki kab wo apna agla film ki ghosna karenge lekin wo ab script padh rahe hai. Pahle bina script padhe hi film sign kar lete they lekin chaliye ab ye banda script padh raha hai ho sakta hai agli film achhi le kar aa jaaye ab to srk ka naam bhi bahut kharab ho gaya hai. 

Agar achhi film le kar aayega bhi to wo flop ho jaayegi. Ab srk ka time khatam ho gaya hai yaar ab iss bande se achhi filme nahi banti. Waise ye baat to sahi hai ki iss ke jaisa acting koi nahi kar sakta lekin ab kya kare acting ke saath film bhi to achhi honi chahye na tab hi film chalti hai. 

Khair ye dekhiye URI ne total 200 crore ki kamayi kar li hai. 

Screenshot from taran adarsh twitter page

Ye saal ki pahli 200 crore kamayi karne waali film ban gayi hai aur dusri gully boy ho sakti hai jo 14 february ko release hone jaa rahi hai. Gully boy se sab ko bahut umeed hai mujhe lagta hai araam se wo film 200 crore ka aakda paar karegi. Uske baad aayenge apne bhaijaan unki film se to iss baar mujhe 400 crore kamaane ke sapne aa rahe hai. 

Iss baar bhai ki film 400 crore kamane waali hai, iss film ko hum flop nahi kah sakte hai kyo ki ye film ek hit film ka remake hai. Jab hit film ka koi remake bhaijaan kare to asaan nahi hai ki wo film flop ho jaaye. Dekhna ye film bahut achha chalegi. Pichli film salman ki nahi chali thi lekin iss film se wo 400 crore ka aakda jarur chu lenge aisa mujhe pakka lag raha hai film me desh bhakti bhi hai isliye ye aakda chuna mushkil nahi hoga.