Aa gayi john ki agli film ka trailer

in #film5 years ago

Ab john abraham sahi raaste me chal rahe hai. Achhi achhi filme leke aa rahe hai aur sab ko pasand bhi aa raha hai. Pichle saal bhi achhi filme leke aaye they aur iss saal bhi 2 mast mast filme leke aa rahe hai pahla to romeo akbar walter aur dusra ek aur film tha lekin main uska naam bhul gaya hoon yaar. Ye kahani real kahani hai aur jo aane waali film hai wo bhi asli kahaani par bani hui hai. 

Ye dekhiye film ka ek aur naya poster. 


Image from john abraham

Ye film na bhai ek dum gazab ki lag rahi hai. Mujhe lagta hai ye film bhi achha chalegi bas release date sahi nahi rakhi gayi hai. Iss film ki release date 5 April hai aur junglee film bhi isi din release hone waali hai. Waise baazi to yahi film maaregi lekin agar ye film 15 august ya fir 26 january ko release hoti na to dekhne ka maja hi alag hota. 

Jyada baat karne se pahle main aap ko film ka trailer dikhana chahunga. 

Video from viacom18 motion pictures

Hai na ek dum bhaddas trailer pasand aaya ki nahi aap ko. Are bhai mere to dil ko chu gaya hai kya gazab ka trailer hai yaar. Iss film ki story thodi thodi alia bhatt ki film raazi se milti hai. Wo bhi India chod ke Pakistan jaati hai ek agent ban kar lekin wo shaadi kar ke jaati hai. Yaha to shaadi ka kuch dikhaya nahi gaya hai matlab yaha shaadi karke nahi jaate. 

Kitna khaufnaak hota hai apne desh chod kar dusra desh me rahna aur waha ko jasoosi karna ye film aap ko dekh kar pata chalegi. Bahut mehnat wala kaam hota hai RAW ka. Ye bhi nahi koi jaanta ki banda kaam kya karta hai agar baahar desh me maara gaya to apne desh ka naagrik bhi nahi kahlata hai wo. 

Asaan nahi hai bhai ek agent banna bahut mehnat wala kaam hai aur jigar chahye. Jaan ka khatra hamesha bana rahta hai. Humare desh ki army ka kaam hota hai border se humari raksha karna aur RAW waalo ka kaam hota hai desh ke baahar se humari raksha karna ye sab ek dum secret hota hai kisi ko pata nahi hota ki wo RAW agent. 

Waise aap sabhi log to ye saari baate achhe se jaante hi honge. Iss tarah ka agent banna asaan bhi nahi hai. Bahut training bhi milti hai aur aap ki bhi jasoosi ki jaati hai. Aap khud jasoos honge lekin aap ki bhi jasoosi ki jaayegi asaan thodi hai bhai. 

Iss ka ek teaser bhi aaya tha usme dialouge mujhe bahut achha laga tha. Aap ne teaser dekha hai ki nahi dekha hai. Niche de diya hai maine dekh kar batana jarur ki kaisi lagi hai aap ko iss film ka trailer aur teaser. Mujhe lagta hai ye film 100 crore jarur kama legi mast lag rahi hai ye film. 

Sort:  

You got a 26.31% upvote from @minnowvotes courtesy of @amrishraj!

Coin Marketplace

STEEM 0.37
TRX 0.12
JST 0.040
BTC 70162.45
ETH 3540.43
USDT 1.00
SBD 4.79