Arjun Reddy Tamil me bhi ban rahi
Aap ko Arjun Reddy film yaad hai ki nahi hai? Ye film Telugu me release hua tha aur bahut naam kamaya tha. Ek bhi aisa banda nahi milega aap ko jiss ne iss film ki buraayi ki ho. Sab ko ye film pasand aayi thi waise aaj tak maine ye film nahi dekhi kyo kiye Hindi me nahi aayi. Kewal Telugu me release hui hai agar ye hindi me aata to main jarur dekhta. Waise mere kuch dosto ne english subtitle ke saath ye film dekhi hai lekin subtitle ke saath dekhna mujhe pasand nahi.
Image from arjun reddy facebook page
Ye film aap amazon prime me dekh sakte hai lekin ye film telugu me hai agar aap ko samajh aata hai to thik warna subtitle bhi diya hua hai aab waise bhi dekh sakte hai. Aap ko pata hai ye film Tollywood ki bahut badi hit hui thi. Iss film ke lead role me Vijay Deverakonda they inka abhinay logo ne kaafi pasand kiya hai. Iss film ko Sandeep Vanga ne direct kiya tha.
Ye film bollywood me bhi remake hone waali hai aur usme film ka naam hoga Kabir Singh aur aap ko pata hai ye film isi saal release hone waali hai. Iss film ki baat tareef suni hai hindi me dekh kar mujhe achha lagega. Agar arjun reddy hindi me aati to sayad main fir iss film ko naa dekhta lekin Hindi me wo aa nahi rahi hai.
Image from indiatvnews.com
Ye dekhiye Shahid Kapoor film ki shooting me lage huye hai. Maja aayega ye film dekhne me isi saal release hone jaa rahi hai abhi date fix nahi hua hai. Iss ke alawa ab ye film Tamil me bhi remake hone jaa rahi hai. Haan dosto pahle Telugu me aaya fir Bollywood me aane wala hai ab Tamil me bhi aane wala hai. Jald hi ye film Tamil me aayegi iss ka trailer release kar diya gaya hai.
Aap Vikram ko to jaante hi ho na, Wo Tamil ke actor hai aur achhi achhi filme leke aate hai. Inki ek film 'I' Hindi me bhi release ki gayi thi. Inke hi bete Arjun Reddy ke remake me najar aayenge aur ye unke bete ki pahli film hai. Inke bete ka naam Dhruv hai. Arjun reddy ke remake se apne career ki shuruwat kar rahe hai.
Ye dekhiye iss film ka trailer.
Video from AP international
Kaisi lagi aap ko film ka trailer sayad aap ne ye film pahle hi dekhi ho main original ki baat kar raha hoon. Achha agar apne arjun reddy dekhi hai to comment kar ke jarur batana ki aap ko ye film kaisi lagi. Sab ne kaha hai achhi hai lekin main dekh nahi paaya ab to lagta hai sidha Kabir Singh hi dekhunga.