Bollywood film "War" review in Hindi
Haan to bhai log jaisa ki maine kaha tha aap se ki aaj main war film ka review karunga. Kal hi main iss film ko dekh ke aaya hoon aur mujhe film thik thaak hi lagi hai. Aur bhai hrithik kya kamaal ka dikh raha hai yaar aise hi ye banda har saal most handsome man nahi ban jaata hai sach me iske jaisa handsome abhi koi bhi nahi hai. Kamaal ka dikhta hai aur iss film me to aur bhi jyada kamaal ka dikha hai.
Dekh rahe ho poster me kya gazab ka dikh raha hai ye banda. Iss ke saath saath tiger shroff bhi achha hi dikh raha tha aur dono ne film me mast kaam kiya hai. Sab jagah se film ke review ache aa rahe hai aur bhai aise hi film ne pahle din 51 crore ki kamayi nahi kar li hai. Sabhi filmo ka record tod diya hai iss film ne aur mast kamayi ki hai.
#War#Hindi: Wed 51.60 cr, Thu 23.10 cr. Total: ₹ 74.70 cr.#Tamil + #Telugu: Wed 1.75 cr, Thu 1.25 cr. Total: ₹ 3 cr.
— taran adarsh (@taran_adarsh) October 4, 2019
Total: ₹ 77.70 cr#India biz.
⭐️ #War should gather momentum on Day 4 [Sat] and 5 [Sun], thus packing a superb total in its *extended* weekend.
Mujhe umeed tha ki ye film kamayi karegi lekin ye umeed nahi thi ki pahle din ye film 51 crore kama legi yaar. Sach me gazab nahi to aur kya kahu aap hi batao.
Waise iss film ki kamayi dusre din kaafi kam ho gayi yaar. Mujhe laga tha kam se kam 30 crore to paar karegi hi lekin iss film ne dusre din kewal 23 crore ki kamayi ki hai jo ki aadhe se bhi kam hai. Aap hi batao itne kam ki umeed nahi thi lekin koi baat nahi kal se chutti hi chutti hai isliye film mast kamayi karegi. Waise bhi jumerat ko filme dekhne kam hi log jaate hai aur koi chutti bhi nahi thi.
Kaisi hai film ki kahani.
Bas kahani thoda slow hai lekin baaki sab kuch mast hai. Aur main yaha aap ko film ki kahani nahi bataane waala hoon wo aap ko film dekh ke hi pata chalega. Yaha bata dunga to aap ko thodi na maja ayega fir. Lekin aap ko film dekhne jarur jaana chahye.
Kaisa hai film ka action.
Iss film me jo mujhe sab se jyada achha laga hai wo hai iss film ka action. Kya lag rahe hai yaar dono ke dono. Hrithik to waise bhi kamaal ka hai aur bande ki body aap logo ne dekhi hi hai. Trailer bhi dekha hi hoga aap logo ne kamaal ka hai bhai log nahi dekha hai to kam se kam trailer dekh lo.
Film ki action ko main 10 me se 9 point deta hoon.
Kaisi hai acting?
Film me hrithik ki acting damdaar hai waise tiger ne bhi thik hi kaam kiya hai lekin mujhe hrithik jyada pasand aaya hai iss bande ne kamaal ki acting bhi ki hai aur ye banda iss me shoot bhi kiya hai.
Main acting ke liye iss film ko 10 me se 7 point dunga.
Kul mila kar film kaisi hai?
Main to yahi kahunga ki aankh band kar ke aap dekhne ke liye chale jaayiye ek dum paisa wasool film hai. Aap thoda bhi bor nahi honge aap ko film dekhne me achha lagega. Aur hrithik hai bhai to maja to aayega hi haan kahani utna damdaar nahi hai lekin action mast hai plot mast hai aap ko maja aayega aur action film dekhte hai to aur bhi jyada maja aayega.
Film ko main 10 me se 8 point dunga.
Fir jaayiye aur ye film dekh kar ke aayiye agar aap ko pasand na aaye tab kahna aap log. Saaho ab tak dekhi nahi maine lekin log bol rahe they ki ye saaho se thoda behtar hai lekin yaar main nahi bata sakta hoon kyo ki maine saaho dekhi nahi hai.
Hello. Currently there are a lot of curation groups and whales curating amazing content, there's no need to buy votes. The downvote you received is to discourage the buying of votes from bidbots. We kindly invite you to join us on the #NewSteem attitude, where good content receives votes and the organic content get the most attention. Buying votes hurts you, other authors and the Steem Ecosystem in general, please don't do it.
You got a 92.11% upvote from @minnowvotes courtesy of @amrishraj!
Hello @amrishraj, thank you for sharing this creative work! We just stopped by to say that you've been upvoted by the @creativecrypto magazine. The Creative Crypto is all about art on the blockchain and learning from creatives like you. Looking forward to crossing paths again soon. Steem on!