Dekhiye naye autaar me najar aa rahe hai varun

in #film5 years ago

Remo ki aane waali film me fir se saath najar aayenge varun aur sharaddha. Pahle 2 poster release ho chuka hai main aap ko dikha bhi chuka hoon. Ye naya wala poster jo aaya hai ye mujhe thoda achha laga hai. Un dono se thoda hatke hai aur achha hai ek dum dance wala. Ye film mujhe nahi lagta hai ki kuch khaas chal paayegi kyo ki koi bhi interest na dikh raha hai iss film par aur ye bhi ek period drama dance film hai. 

Ye dekhiye film ka naya poster.


Image from taran adarsh

Apne kandhe par sharaddha ko latkaaye huye hai varun dhawan achha laga yaar ye wala poster mujhe. Thoda sa alag hai thoda sa khaas hai. Lekin mujhe nahi lagta ki ye film khaas hone waali hai. Iss film par mujhe jyada bharosa nahi hai. 

Varun itna achha dancer bhi nahi hai ye bas comedy aur over acting karta hai. Iss ki filme me bas wahi sab rahta hai lekin ye bhi kah sakte hai ki iss ki filme chalti bahut hai. Ye banda entertainment waali filme banata hai isliye iss ki filme chalti bhi hai. Humare desh me bas jiss me maar dhaar ho aur entertainment ho wahi filme chalti hai dusra nahi. 

Andhadhun itni achhi film thi aap ne dekha hi tha uska kya haal hua. Abhi sab se puchoge na ki aap ko kon si film achhi lagi hai pichle saal ki to kahenge andhahun achhi thi lekin saala dekhne koi nahi gaya. Sab faltu ki filme dekhne jaate hai lekin jo masterpiece hota hai usko koi dekhne ke liye jaata hi nahi hai. Logo me koi interest hi nahi hai aise film ko dekhne ki. 

Chaliye ek aur poster dekh lijiye iss film ka. 


Image from taran adarsh

Ek baat to main jarur kahna chahunga varun achha dancer nahi hai uske badle me agar tiger sharoff ko lete to jyada maja aata iss film ko dekhne me lekin ab kya kar sakte hai. Remo ko varun kuch jyada hi pasand aaya hai isliye iss film me bhi usne pichle waale star cast ko hi liya hai. 

Abhi to iss film ke aane me kaafi samay hai ab dekhte hai aage kya hota hai. Abhi to film ki shooting chal rahi hai, 8 November ko ye film release hogi. Iss ka teaser aur trailer aane me bhi abhi bahut samay hai lekin abhi se ye film charcha me hai. Taran chacha ko agar kisi film ko promote karne ke paise mil jaate hai to wo usi samay se film ke promotion me lag jaate hai. Abhi se taran ji iss film ko badhiya promote kar rahe hai matlab paisa mil gaya hai. 

Coin Marketplace

STEEM 0.35
TRX 0.12
JST 0.040
BTC 70351.33
ETH 3563.43
USDT 1.00
SBD 4.72