Double role me najar aayegi Nayantara

Nayantara jo ki south ki actress hai matlab ki south indian filmo me najar aati hai. Nayantara ki ab tak sayad koi Hindi film nahi aayi hai lekin fir bhi iss ki jo bhi filme aati hai wo filme achhi hi rahti hai. Maine inki kayi filme dekhi hai. Aap ko pata hai apni 33 saal ki career me iss ne ab tak 50+ filmo me kaam kiya hai. Itni kam age me itni jyada filme kar chuki hai. 

Ye dekhiye ye inki aane waali film ka poster hai. 

Image from taran adarsh twitter page

Poster to bahut hi kamaal ka lag raha hai yaar. Iss film me Nayantara double role me najar aayegi. Iss film ka naam to aap ne padh hi liya hoga. Iss film ka naam Airaa hai aur ye isi saal December me release hone waali hai Christmas ke mauke par. Waise iss saal November aur December ke beech kayi saari filme aa rahi hai. 

Main to Shahrukh Khan ki film Zero ka intezaar kar raha hoon kyo ki iss film se mujhe bahut saari umeede hai iss saal bahut hi alag roop me najar aayenge Shahrukh Khan apni iss film me. 

Khair hum yaha Shahrukh ki nahi Nayantara ki film ki baat kar rahe hai. To isi ki baat karte hai, Aap ko pata hai Nayantara ji ki filmo me hero yahi hoti hai. Matlab ki hero ka role samjho inhi ko milta hai lady actor hai ye. Bina hero ke hi filme karti hai aur ye poster dekh kar lag raha hai ki iss me bhi koi hero nahi hoga iss baar bhi ye akele hi iss film ko karne waali hai. 

Video from sony music india

Nayantara ki film Iru Mugan aap ko dekhni chahye, Yahi film jo maine upar iss ka trailer diya hai. Ye film mujhe achhi lagi thi. Isliye main socha aap ko bata doon. Iss ka hindi dubbed aap ko youtube me mil jaayega. Iss film me lead role me Vikran hai aur aap to jaante hi hai Vikram bhaiyya hamesha apni filmo me kuch naya lekar aate hai. Ye film bhi khaas hai. 

Aur Vikram lead role me hai isliye aap ko iss film ko dekhna chahye. Ab baat rahi Airaa ki to jab iss ka trailer aayega to main aap ko jarur update karunga abhi iss ka trailer aane me samay hai.