Fir se aa rahi hai houseful

Mitro hasi ka tadka lagaane ke liye houseful ki team ek baar fir se taiyaar hai. Houseful ke pahle part sab se shandaar tha lekin last ke 2 part utna khaas nahi they. Fir bhi thik hi they lekin jitna maja pahla part me aaya tha utna maja unme nahi aaya tha. Ab ye film ka 4th part bhi aa raha hai jo ki agle saal Diwali ke mauke par release hoga. 

Image from taran adarsh twitter page

Ye dekhiye Rajasthan ka schedule pura karne ke baad ye photo click ki gayi hai. Iss me koi hero ya heroine najar nahi aa rahe hai iss me bass cru member hai jo film ka hissa hai. Pichle filmo ki tarah ye film bhi Sajid Khan direct kar rahe hai. Aur har part ki tarah iss me Akshay Kumar lead role me najar aayenge. 

Akshay Kumar comedy filme achhi banaate hai. Lekin aaj kal kuch jyada hi desh bhakti ki filme banane lage hai waise desh bhakti waali filme jyada chalti hai isliye wo aisi filme banaate hai. Lekin mujhe to comedy filme hi pasand hai yaar, Aur akshay kumar ko comedy film me dekh kar ek alag hi maja aata hai. 

Waise aap logo ne notice kiya hai jab bhi koi film ka part 2-3 banta hai to iss me se sab se jyada maja pahle part me hi aata hai. Ab chahe wo dhoom ho ya singham ho ya fir dabangg ho ya fir don ho. Pahle part hamesha gazab ka hota hai uske baad waale sabhi part utne khaas nahi hote hai. Suna hai salman khan ki dabangg ka 3rd part aane wala hai aur kick ka bhi 2nd part aane wala hai ab dekhte hai kab aata hai ye filme. 

Image from tosshub.com

Kick jo hai na wo Ravi Teja ki film thi ye film telugu me aayi thi baad me Salman Khan ne iss film ko copy kar ke ye film banayi. Iss film ka dusra part bhi laaya hai Ravi Teja ne ab dekho salman usi ki copy karta hai ya fir apni taraf se kuch naya daalta hai film me.