Hrithik ko bana diya gaon wala

Hrithik Roshan ki film super 30 ka trailer aa gaya hai aur ek dum dhamakedaar hai trailer. Students ko to ye film bahut jyada pasand aane waali hai aur jyada motivation bhi milne waali hai. Bas ek hi chij mujhe iss film ka sahi nahi laga yaar. Iss film ko teacher day ke din release karna chahye mera matlab 5 september ko release karna chahye tha lekin ye 12 July me iss film ko release kar rahe hai.

Image from hrithik roshan

Yahi achha na laga mujhe agar teacher day ke din release karte na to mujhe lagta hai saare teacher apne student ke saath ye film dekhne jarur jaate. Mahol achha hota uss din lekin kya kare ye logo ne film ki date galat chun li hai. Mujhe ye release date bilkul bhi pasand nahi aaya hai lekin ab kya kar sakte hai. 

Waise bhai log kuch bhi kaho film ka trailer ek dum mast hai. Aap ko bhi pasand aa jaayega. Bas aap ko hrithik ka look pasand nahi aayega. Kyo ki hrithik thahre smart aadmi bande ko aisa look dene ke liye bahut makeup karna pada hoga. Batao ek smart bande ko saawla karne me samay to laga hi hoga hai ki nahi. Itne achhe bande ko kitna kharab kar diya hai waise teacher log itna kharab maile jole bhi nahi rahte. 

Aap ko sayad to pata hi hoga ye film asli kahani par bani hui hai. Ek anand kumar naam ka teacher hai usi par ye film banaya gaya hai. Usi bande ki kahani hai iss film ki. Chalo main aap ko pahle iss film ka trailer dikhata hoon uske baad baaki ki baat karenge hum log. 

Video from reliance entertainment

Haan to bhai log ab batao kaisi lagi aap sabhi ko iss film ka trailer. Are aap log sirf padh rahe ho ki video bhi dekha? Pahle aap log iss film ke trailer ko dekh lijiye uske baad aage ka padhiye. Achha ab mujhe lagta hai aap logo ne dekh hi liya hoga ab bataiye kaisa tha trailer. Aap log jaa rahe ho film dekhne ke liye ki nahi jaa rahe ho. 

Kamaal ki trailer hai yaar aur film to aur bhi kamaal ka hone wala hai. Iss film ko dekhne ke baad aap ko bhi padhne ka dil karne lagega. Isliye ye film jarur dekhne jana agar aap padhaayi me kamjor ho ya fir padhne me aap ka dil nahi lagta hai to fir ye aap ke liye hi bana hua hai. 

Image from hrithik roshan

Ye dekhiye film ka ek aur poster aaya hai ye bhi achha hi hai. Bhai log ye film dekhne me na bahut maja aane wala hai. Hrithik ki koi film bahut samay ke baad aa rahi hai. Akhri film iss ki kaabil thi wo bhi mast chali thi. Ab dekhte hai ye film kaisi chalti hai mujhe to lagta hai ye film bhi gazab kamayegi. Achha film dekhna hai to fir ye film jarur dekhne ke liye jaaye. Waise padhaayi waali aur desh bhakti waali filme chalti hi hai.