Iss film ka naam ho gaya change

Cheat India me to censored board ki kaichi chal gayi. Are nahi bhai koi bold scene ki wajah se aisa nahi hua hai. Aap soch rahe honge ki cheat India ka trailer to maine dekha hai usme to kuch bhi bold scene hai hi nahi. Ji maine bhi trailer dekha hai aur aap ke saath share kar chuka hoon. Censored board ne film pass to kar di hai lekin thodi katayi bhi ki hai film me. Iss se Emraan Hashmi bahut gussa najar aa rahe hai. 

Image from emraan hashmi

Aap ko pata hai censored board ne film ka naam thoda change karne ko kaha hai. Matlab pahle iss film ka naam tha cheat India lekin ab iss film ka naam rakh diya gaya hai why cheat India. Iss ke alawa film ke naam ke niche ek tagline tha nakal me hi akal hai usko hata diya gaya hai. Film ke poster se wo tagline hata diya hai censored board ne. 

Iss se Emraan Hashmi thoda naraj ho gaye hai aur twitter me apna naam change kar ke likh diya hai why emraan hashmi. Haha!! Apna naam hi badal diya hai Hashmi ji ne to chaliye achhi baat hai ab kya karenge gusse me aisa hi karte hai. Kuch aisa hi gussa Govinda ko bhi aaya tha jab uski film rangeela raja me bahut jyada katoti kar di thi usme kuch jyada hi galat scene they. 

Images from emraan hashmi

Govinda ka to ab samay khatam ho gaya hai pahle to main bas Govida ki hi filme dekha karta tha. Achha achha comedy aur pariwarik filme banaate they Govinda ji lekin ab to gande gande filme banaane lage hai. Ab kar bhi kya sakte hai film mil hi nahi rahi hai inko aur jo mil rahi hai usi se kaam chala rahe hai. Lekin aaj kal inki filme chalti nahi aur pahle log inke deewane they. Inki aur Kader Khan ki jodi sab ko bahut pasand aaya karti thi aap ko bhi sayad aati hogi. 

Bechaare ab Kader Khan bhi nahi rahe, Bahut hasaya hai yaar Kader Khan ne aaj bhi Govinda ke saath inki film dekh kar bahut hasi aati hai. Ab inko kabhi dekh nahi paayenge iss chij ka bada dukh hai. Waise pahle Govinda ki achhi fan following thi sab usko kaafi pasand karte they lekin ab to iski filme chal nahi rahi hai. 

Khair cheat india ki baat karte hai are nahi why cheat india ki baat karte hai. Ye film Manikarnika ke saath clash hone waali thi lekin ab iss film ko ek week pahle release kiya jaayega. Chaliye ye sahi faisla liya gaya hai kyo ki Manikarnika ke saamne ye film nahi chalegi. 

Main bhi Manikarnika dekhne jaane wala hoon kaafi. Rani Laxmi Bai ka role bade parde par dekhne ke liye main kab se intezaar kar raha tha chalo achha hai ki ab main iss ko bade parde par dekh paaunga. Ye song mast hai agar aap ne nahi dekha hai to dekhiye iss ke lyrics mujhe bahut jyada pasand aaye hai. 

Video from T-series