Manikarnika ho gayi hai flop
Mujhe nahi lagta hai ki manikarnika 100 crore kama paayegi. Aap ne meri post padhi hogi to aap jaante honge maine socha tha ki manikarnika 250 crore kamayegi lekin yaha bechaari 100 crore karne ke liye bahut struggle kar rahi hai. Ye film flop ho gayi hai iss wajah se kangana bhi bahut pareshaan hai aur sab par baras rahi thi kisi ne uska saath nahi diya kisi ne bhi uske film ko promote nahi kiya.
Screenshot from taran adarsh twitter page
Ab tak film ne 88 crore ki hi kamayi ki hai aur ab bas kuch hi din hai uske baad gully boy release ho jaayega fir ye film theatre se hat jaayegi abhi lagi hui hai aur log khaali baithe hai to chale jaate hai dekhne ke liye lekin gully boy aane ke bad sabhi log wahi dekhne ke liye jaayenge fir ye to koi dekhega hi nahi.
Maine socha tha ye iss saal ka sab se pahla blockbuster banega lekin ye to flop ho gayi aur URI blockbuster ban gayi. URI ka josh na logo ke sir chadh kar bol raha hai ab tak film ne 207 crore ki kamayi kar li hai. Bhayanak kamayi kar rahai hai yaar aur mujhe lagta hai ab ye 250 crore bhi kama legi batao itna kewal Khan ki filme kamaati hai aur ek ranveer singh ki lekin ye bhi film kama rahi hai.
Screenshot from taran adarsh twitter page
Maine to apne sapne me bhi nahi socha tha ki ye film itni badi blockbuster banegi. Main kya film ke director actor producer ne bhi ye nahi socha hoga ki film itna jama kama legi. Batao sala 45 crore ki budget me bani iss film ne tahalka macha ke rakh diya hai har roj kamayi ka ek naya aakda chute jaa rahi hai. Sach me bhai iss ki tareef karni chahye kamaal kar diya hai iss film ne.
Iss ki wajah se bechaari manikarnika flop ho gayi, kisi ne umeed bhi nahi ki thi ki wo flop hogi sab ne socha tha ki manikarnika mast kamayi karegi sab ko trailer bhi achha laga tha aur mujhe bhi film ka trailer bahut jayda pasand aaya tha. Ab kya kare film me direction achha nahi kiya gaya lekin fir critics se film ko achha response mila hai lekin URI ki wajah se film pisal gayi aur log URI ko dekhna pasand kar rahe hai iss film ko nahi.
Maine ab tak manikarnika nahi dekhi ab soch raha hoon jab tv me aayega tab hi dekhunga abhi mera bhi theatre me jaa ke dekhne ka mann nahi hai. Iss film songs bhi kuch khaas khaas nahi tha songs bhi kisi ko pasand nahi aaye hai. Ye jo niche link di hai na maine ye wala song thoda mast hai iss ko suniye.
Video from zee music company