Modi par bhi banne jaa rahi film

Pahle Manmohan ji aur ab Modi ji par bhi film banne ja rahi hai waise Manmohan ji waali film to isi friday ko lagne jaa rahi hai. Lekin ab Modi ji ke bhi film ka poster release ho gaya aur aap ko yakeen nahi hoga ye film 23 language me release hone jaa rahi hai. Mujhe nahi lagta itna language me ab tak India me koi bhi film release hui hai lekin ye pahli film hogi jo 23 bhasa me release hogi. 

Ye dekhiye film ka english poster aur sabhi bhasao me same poster releasae kiye gaye hai isliye main sirf ek hi poster daal raha hoon. 

Image from  devendra fadnavis‏ twittter page

Iss film me Vivek Oberoi lead role play karne waale hai matlab ki Modi ka role yahi karenge. Film kaha se shuru hogi pata nahi mera matlab hai bachpan se ya chai bechne wala se ya fir pradhan mantri banne wala se. Abhi to film ka sirf poster aaya hai lekin yaar poster me Vivek thoda sa bhi Modi jaise nahi dikh rahe hai. 

Sanju ka poster to dekha hi hoga aap ne maa kasam ranbir ne to hila dala tha lag hi nahi raha tha ki sanjay dutt nahi wo ranbir hai. Kyo bhaaiyo sahi bol raha hoon ki nahi main ranbir ne sach me gazab ka role kiya tha uss film me aur gazab ka transformation dekhne ko mila tha hum logo ko. Pichle saal ki sab se badi film yahi rahi hai sab ko film kaafi pasand aaya tha. 

Vivek na bhai thoda sa bhi Modi jaisa nahi lag raha hai. Itna achha sa khud ko dhaal nahi paye hai Vivek ji. Waise babu rao ne to kaha tha ki wo Modi ka role karenge aur unke alawa koi Modi ka role nahi kar sakta hai. Babu rao ko jaante hai na aap are main paresh rawal ki baat kar raha hoon. 

Khair ye dekhiye film ke poster release ke kuch tasveere.

Images from  devendra fadnavis‏ twittter page

Waise ek baat mujhe samajh nahi aa raha hai ki sala Vivek ko iss film me kaam kaise mil gaya wo bhi Modi ka role karne ka batao bande ki kismat chamak gayi. Iss ko kaam mil gaya aur log kahte hai ki Modi ne kaha achhe din laaye hai dekhiye Vivek ke bhi achhe din aa gaye hai ab aur kya chahye kitne achhe din chahye aur film dekhna achhe din najar aayenge. 

Waise aap logo ko kya lagta hai Modi ji waali film jyada chalegi ya fir Manmohan ji wala. Modi ji ki film sayad isi saal release hogi lekin kab release hogi abhi tak iss ka date fix nahi kiya gaya hai ab dekhte hai kab aata hai Modi ji ki film. Dekhunga agar trailer achha laga to film dekhne ki sochunga lekin agar trailer achha na raha to fir film dekhne ka kya faayda. Waise Manmohan waali film me to Congress ko pura badnaam kar diya hai. 

Ye film to BJP waale hi bana rahe hai iss film me to kuch galat nahi kahenge apne baare me lekin congress ki buraayi bahut hogi ab dekhte hai trailer kab aata hai. Usko dekhne ke baad hi film ka kuch pata chalega hai ki nahi.