Pahla din sahi kamayi ki hai iss ne

Badla ko har taraf se bahut achha response mil raha hai. Sab ko ye film pasand pasand aa rahi hai sab ne achhi rating di hai. Critics ne bhi film ko saraha hai aur audience ko bhi bahut pasand aa raha hai. Maine ab tak nahi dekha hai ye film. Jab dekhunga tab bataunga ki mujhe kaisi lagi hai ye film. Ab to abhi main nahi dekh paaunga jab thoda free hounga aur tv me dega tab dekhunga. 

Image from red chillies entertainment

Amitabh bacchan aur Tapsee ki jodi dusri baar ek saath dekhne ko mili hai. Pahli waali sab ko kaafi pasand aaya tha. Unki film ka naam pink tha aur aap ko pata hai uss film ne 100 crore se jyada ki kamayi ki thi. Maine wo film dekhi hai mujhe to wo film kaafi pasand aayi thi. Yahi wajah hai ki film itna mast kamayi ki thi. 

Ab dekho ye film uss tarah ki kamayi kar paati hai ki nahi. Abhi to bade bade film bhi chal rahi hai isliye mujhe nahi lagta hai ki ye film 100 crore kama paayegi. Abhi captain marvel bhi release hua hai India me uss ne pahle din 15 crore ki kamayi ki hai aur total dhamaal bhi abhi achha chal raha hai iss ke baad gully boy abhi tak cinema theatre se nikla nahi hai wo bhi abhi mast kamayi kar rahe hai. Saath me URI ke bhi kuch show chal rahe. 

Ye dekhiye pahle din ki kamayi kitni rahi iss film ki. 

Screenshot from taran adarsh twitter page

Haan to pahle din to film ne achhi kamayi ki hai samajh lijiye 5 crore hai. Batao sala ye slow film bhi itna achha kama rahi hai aur ek hai srk ki filme wo big budget ki filme bhi uski flop ho rahi hai. Jab audience se review achha milta hai na to logo ko bhi film pasand hi aati hai. Ab to critics ne iss film ko badhiya review diya hai isliye ye film bhi achha kama rahi hai. 

Aap ko pata hai pink ne 4.3 crore ki kamayi ki thi pahle din aur fir last tak me iss ne 100 crore ki kamayi kar li thi. Ab dekhiye ye film achha hi kama rahi hai. Pink se bhi achha start mila hai iss film ko. Waise pink film maine dekhi lekin samajh nahi aaya tha ki film ka naam pink kyo tha. Batao ye naam to match hi nahi hua tha film se. Khair jo bhi ho amitabh ne mast acting ki thi uss film me aur tapsee ne bhi kamal kar diya tha. 

Image from red chillies entertainment

Ye dekh sakte hai aap film ko bahut hi achha pratikriya mili hai sab taraf se. Yahi wajah hai ki ye film itna achha kama rahi hai aur mujhe lagta hai ye film 75 crore tak jarur jaayegi. Kahi jyada to nahi bol diya maine chalo koi nahi somwar ke din iss film ki asli aukaat ka pata chalega. Somwar ko agar logo ko film achhi lagti hai tab hi uss din kamayi hoti hai warna nahi. 

Waise aap log jaa rahe ho ki nahi ye film dekhne ke liye? Main to nahi jaa raha iss tarah ki filme main ghar me hi dekhta hoon. Main aap ki tarah ameer nahi hoon na dost agar hota to main bhi theatre me ye film dekhne ke liye jaata.