Ranveer nikal jaayenge Khans ke aage

in #film5 years ago

Simmba to blockbuster ho gayi iss film ne ab tak 200 crore ki kamayi kar li hai batao film ka budget 50 crore se bhi kam hoga aur film ne itna achha kamayi ki hai. Waise film ki story achhi thi south India ki copy thi aur film me entertainment tha aur achhi story thi ek achha message dene ka paryaas kiya gaya hai film me. Yadi aap ne ab tak nahi dekha hai to aap ko dekhna chahye. 

Ye dekhiye Rohit Shetty ki puri team ek saath najar aa rahi hai. 


Image from ranveer singh

Rohit shetty ne simmba me apni 2 filme bhi promote kar li pahla to singham aur dusra Sooryavanshi. Iss ki bhi ek jhalak dikhaayi thi film me aap ne to dekha hi hoga. Akshay Kumar ki aane waali film ka naam hai Sooryavansh aur ye rohit shetty ki film hai to ye kah sakte hai film me action hoga aur bahut sara entertainment hoga. 

Waise Akshay ki ab tak koi bhi film 200 crore nahi kama paayi hai. Kya lagta hai aap ko sooryavanshi se wo iss aakde ko paar kar paayenge ki nahi. Aap ko pata hai 2.0 release hui iss se expect tha ki ho jaayega lekin iss se bhi nahi ho paaya. Iss se bas 190 crore hi touch kar paaye. Achha bhai main sirf hindi ki baat kar raha hoon Telugu aur Tamil me to achha kamayi kiya hai iss film ne Rajinikanth ki wajah se. 

Iss saal akshay ji ki achhi achhi filme aa rahi hai dekhte hai iss saal inka chance lagta hai ki nahi. Kya lagta hai aap ko iss saal inka samay rahega? Kya iss saal wo 200 crore kama paayenge. Mujhe to lagta hai kar lenge kyo ki unki achhi achhi filme aane waali hai. 

Ye dekhiye houseful ki team ek baar fir se najar aane waali hai aur iss film se jyada umeed kar sakte hai kyo ki ye film diwali me release hone jaa rahi hai. 


Image from akshay kumar twitter page

Haan to mujhe lagta hai ye film iss saal Akshay Kumar ko 200 crore karwa paayegi. Iss film ki shooting complete ho chuki hai aur deewali ke mauke par ye film release ki jaayegi. Waise achhi baat hai kyo ki ye film comedy hai aur diwali me aisi filme dekhne me achhi lagti hai. Pichle saal diwali me golmaal release hua tha aur film me kuch khaas tha nahi fir bhi film achha kama gayi thi kyo ki solo release mila tha diwali me. 

Agar film me koi logic na ho lekin entertainment ho aur festival me release ho to araam se filme chal jaati hai. Mast kama leti hai isliye salman khan jyada entertainment waali filme laate hai aur shahrukh khan har baar kuch naya karne ke chakkar me flop ho jaate hai. Kuch na kuch naya karte hi rahte hai shahrukh khan aur fir usme flop ho jaate hai. 

Ye dekhiye Akshay ka role uske agle film me. 

Video from bollywood now

Coin Marketplace

STEEM 0.35
TRX 0.12
JST 0.040
BTC 70391.42
ETH 3572.68
USDT 1.00
SBD 4.74