Shahrukh ka career ab khatam ho gaya

in #film5 years ago

Shahrukh Khan ki kuch saalo se jitni bhi filme aayi hai sab ki sab flop ho gayi hai. Bahut bura feel kar raha hoon main shahrukh khan ke liye. Kyo ki ye banda achha hai acting bhi iss ki jabardast hoti hai jitni bhi bollywood me actor hai mujhe sab se jyada achhi acting isi ki lagti hai. Pahle achhi filme banaya karta tha lekin ab koi bhi script saath nahi de rahi hai. Achhe achhe director ke saath bhi flop filme aa rahi hai. 


Image from shahrukh khan twitter page

Aaj kal to shahrukh khan apni jyada samay apne bachho ke saath hi bita rahe hai. Aur karenge bhi to kya karenge abhi inke haath me koi film hai hi nahi. Bande ka bahut kharab samay chal raha tha. Sab ko laga tha ki zero se srk come back karega lekin ye to jab harry met sejal se bhi badi flop nikal gayi yaar. 

Sach me yaar mujhe bhi laga tha ki zero srk ke liye achhi film sabit hoga. Lekin bahut kharab ho gaya ab kar bhi kya sakte hai. Film thik hi tha lekin usme jyada entertainment nahi tha agar thoda entertainment rahta na bhai to bahut maja aata. Usme srk bauna bana tha aur mujhe kya sab ko laga tha ki comedy mast hogi lekin iss me bhi romance ghusa diya hai iss film me. 


Image from shahrukh khan twitter page

Abhi to srk ke pass koi film hai hi nahi. Sunne me aaya tha ki srk rakesh sharma ki biopic me kam karenge lekin fir kahte hai ki srk ne wo film reject kar diya kyo ki wo don 3 me kaam karne jaa rahe hai lekin farhan akhtar ne saaf kah diya hai ki wo don 3 leke nahi aa rahe hai. 

Achha hai nahi leke aa raha yaar ye banda bhi samajhta hai abhi srk kharab haalat me chal raha hai don badi budget ki film hogi usme paisa laga denge wo bhi nahi chali to fir kya hoga. Bahut hi kharab haalat ho gaya hai shahrukh khan ka ab tak ye ghosna nahi ki hai ki uski agli film kon si hogi. Koi director usko le bhi nahi raha hai ab pata nahi kab usko dusri film milegi. 


Image from gauri khan twitter page

Main nahi chahta ki srk filme banana chod de. Usne khud kaha tha wo kabhi nahi filme banana chodega jab tak saans hai tab tak filme banayega. Ab koi achhi si film mil jaaye usko to achha rahega yaar. Ek achhi script ki jarurat hai fir sab kuch thik ho jaayega. Srk ka career fir se track par aa jaayega agar uss ne ek achhi hit film bana di to. Mujhe lagta hai ab shahrukh khan ko bhi desh bhakti type ki filme banaani chahye. 

Coin Marketplace

STEEM 0.36
TRX 0.12
JST 0.039
BTC 70223.87
ETH 3561.28
USDT 1.00
SBD 4.73