Simmba ne to apne jhande gaad diye hai

in #film5 years ago

Kamaal pe kamaal karte jaa rahi hai ranveer singh ki film simmba aap ko pata hai ab tak film ne 350 crore se jyada ki kamayi kar li hai aur isi ke saath ye film Rohit shetty ki sab se jyada kamayi karne waali film ban gayi hai aur dharma production ki bhi sab se jyada kamai karne waali film ban gayi hai simmba. Film sach me kamaal ki hai isliye to kama liya aur ab bhi film chal rahi hai theatre me ab bhi bheed lage huye hai.


Image from karan johar twitter page

Kewal India me ye film 220 crore kama gayi hai aur baaki ka overseas me kamaya hai. Batao yaar mujhe nahi laga tha ye film overseas me itna jyada kamayegi lekin ab ranveer ke overseas me achhi fan following ho gayi hai. Bhansali ne iss ko achhi pahchaan dila di bollywood me sab log pasand karne lage hai. Batao sala iss saal kisi khan ki film ne 200 crore nahi kamaya lekin iski 2 filmo ne itna kama hai. 


Screenshot from taran adarsh twitter page

Iss ki agli film Gully boy jo agle mahine release hone jaa rahi hai iss se bhi logo ko bahut jyada umeed hai. Film Eminem ki ek film ki copy bata rahe hai sab chaliye jo bhi ho lekin ye film bhi apne jhande gaadegi. Dekh lena aap ye film bhi 200 crore jarur kamaayegi. Trailer sab ko pasand aaya hai aur Alia bhi hai film me. 

Ab to bas bollywood me ranveer ki chalti hai iss ne song me kaha hai apna time aayega lekin bhai iss ka time to aa chuka hai. Bande me dum hai aur filme bhi achhi achhi mil rahi hai. Baaki actor ko utna khaas filme nahi mil rahi hai lekin iss ko achhi achhi filme mil rahi hai. Gully boy ke baad iski agli film Kapil Dev ki jindagi par adharit hogi. 

Matlab ki apni agli film me ranveer jo hai na wo kapil dev ka role karega aur iss film ka kabir khan direct karega. Ye film bhi dekhna mast chalegi mujhe to lagta hai achha kamayegi ye film bhi. Iss ki ab koi ghatiya film bhi aayegi na tab bhi wo 200 crore araam se kama legi dekh lena aap. 


Screenshot from taran adarsh twitter page

Dekhiye iss film ki overseas ki kamayi ab tak 80 crore kama chuki hai jab ki srk ki film zero ne to overseas me kuch kamaya hi nahi hai uska haal to India se bhi jyada khrab raha hai. Jo bhi kaho yaar mujhe shahrukh khan ke liye bahut bura laga iss film se unko bhi bahut umeed thi lekin abhi jitni bhi filme aayi hai sab ke sab flop rahi batao banda achha hai acting achhi karta hai lekin fir bhi filme achhi nahi mil rahi. 

Ab dekhte hai iss saal kiss ki film sab se jyada kamaati hai. Mujhe lagta hai iss baar Salman Khan ki film bharat jyada kamayegi. Pichle saal unka saal nahi tha lekin iss saal wo kamaal karne ke liye taiyaar hai. 

Sort:  

जल्दी ही देखनी पड़ेगी।

Posted using Partiko Android

@amrishraj purchased a 33.25% vote from @promobot on this post.

*If you disagree with the reward or content of this post you can purchase a reversal of this vote by using our curation interface http://promovotes.com

Coin Marketplace

STEEM 0.36
TRX 0.12
JST 0.040
BTC 70446.49
ETH 3571.68
USDT 1.00
SBD 4.73