Mutual fund bhi hai sahi option

Hello Dosto, Crypto par se logo ka ab bharosa hatta jaa raha hai aap steemit hi dekh lijiye pahle kaafi log karte they lekin ab iss ke bhi users kam ho rahe hai abhi jo users jama hai wo sab steemmonster ki wajah se jama hai warna steemit me ab kuch khaas raha nahi hai. Ab kuch din pahle hi maine suna tha ki ek crypto exchanger site scam kar gayi. Kon si thi yaad nahi mujhe kyo ki mere paise usme nahi they. 


img src

Ab ek baar aisa kisi bande ke saath ho jaaye to koi banda paagal thodi hai jo usme wo fir se paise lagaayega. Mera kahne ka matlab jiss ne shuru kiya hoga crypto trading aur usne uss exchanger site me paise rakhe honge fir wo exchanger scam ho jaaye fir to bande ka iss business se bharosa hi uth jaayega na. 

Online field aisa hi hai iss me bharosa karna sahi nahi hai jaise steem ka rate kabhi $8 tak chala gaya tha aur abhi dekh lijiye 0.30$ se bhi niche aa gaya itna jyada niche gira hai. Maine kabhi sapne me bhi nahi socha tha ki itna upar jaa ke ye coin itna niche tak gir sakta hai lekin fir bhi ye niche gir gaya. Waise abhi steem lene ka mauka achha hai itna sasta me steem mil raha hai kabhi na kabhi to iss ka rate badhega hi abhi leke rakh liya to faayda hai. 

Mutual fund se jud rahe hai log

Crypto ke baare me to aap jaante hi hai lekin dosto news to aap dekhte hi honge aaj kal mutual fund ka craze badhta hi jaa raha hai. Tv me iss ki advertisement bhi aate rahti hai isliye log iss me interest le rahe hai. Ameer hi log nahi gareeb log bhi iss me interest le rahe hai. Iss me achha return mil jaata hai isliye log iss me try kar rahe hai. 15% tak return mil raha hai aur iss se jyada bhi return mil raha hai mutual fund me. 

Bank aur company me share lene se behtar hai

Kayi log bank me fixed deposit karwaate hai lekin usme faayda nahi hai. Haan ye baat alag hai ki usme aap ko ek fixed amount mil jaata hai lekin mutual fund me aisa nahi hai lekin fir bhi mutual fund jyada sahi hai iss me aap ko bank se duguna return milega. 

Agar aap kisi company me share lete hai to usme bhi aap ke paise dubne ka darr hota hai. Kahi company loss me gayi to aap ke bhi paise doob jaayenge. Mutual fund me bhi company me hi paise lagaate hai lekin iss me faayda ye hai ki aap ke paise ek hi company me nahi lagta hai aap ke paise alag alag company me lagaate hai mutual fund me. Iss ke baare me hum agli post me achhe se jaanenge. 

Coin Marketplace

STEEM 0.36
TRX 0.12
JST 0.039
BTC 69965.85
ETH 3540.49
USDT 1.00
SBD 4.71