Tax bachaane ke liye ye tarika apnaaye

Hello Dosto, Aap ko to pata hai sarkar ne iss baar budget me bahut kuch khaas laaya hai. Pahle salana 2.50 lakh ki income par aap ko income tax bharna jaruri hota tha lekin ab iss ki amount badha di gayi hai ab 5 lakh ki kamayi tak aap ko koi tax nahi dena padega lekin iss se jyada agar aap kamaate hai to aap ko tax dena padega. Aaj main aap ko kuch aise investment plan bataunga jiss par tax me exemption milta hai. 


img src

Ye tarika apna kar kewal aap tax hi nahi bacha sakte hai balki investment kar ke ek samay me aap ke pass achha khasa paisa bhi ho jaayega. Ye aap ke retirement ke liye bhi sahi hai. Achha maine apne pichle hi post me aap ko LIC ka ek policy ke baare me bataya tha agar aap ne wo nahi padha hai to fir (LIC ka ye policy gazab ki hai) yaha click kar ke wo jarur padhna achha policy hai aap ko pasand aayega. Chaliye aap ko batata hoon ki kaise tax ke paise aap bacha sakte hai. 

NPS me kare invest

Aap ko maine pahle bhi NPS ke baare me bataya hai. Aap ko sayad yaad na ho isliye main aap ko fir se bata deta hoon. NPS me 1.50 lakh ki investment par koi tax nahi lagta hai. Aap har saal iss me 1.50 lakh invest kar sakte hai. Iss se jyada karenge to uss par tax lagega lekin 1.50 lakh tak karne par aap ko koi bhi tax dena nahi padega. 

Sochiye aap ke kitne paise bachenge iss se. 5 lakh se jyada par aap ko tax lagega uss se achha hai aap NPS account khulwa le aur uss me aap paisa daalte jaaye taaki aap ka future bhi achha ho aur aap ke tax ke paise bhi bach jaaye. 

Retirement ke liye sahi hai NPS

Dekho NPS kyo sahi hai aap iss me paisa daalte jaao aur fir jitna paisa aap iss me daaloge uska 40% ka aap ko annuity lena hoga. Samajh lijiye 100 rupya hai iss me 40 rupya ka aap annuity le lo aur 60 rupya aap jab 60 saal ke honge tab aap ko ye amount mil jaayega uske baad jo 40 rupya ka aap ne annuity liya hua hai na uss se aap ko har mahina pension milta rahega. 

Chaliye ab bataiye hai ki nahi ye plan behtar, iss ke baare me aap google me check kar sakte hai. Kayi logo ne ye plan liya hua hai sab ko kaafi pasand aaya hai NPS ka ye plan. Aur jo maine pichli post me bataya tha na LIC wala wo bhi mast hai. Lekin usme tax me exemption nahi milega. 

Coin Marketplace

STEEM 0.28
TRX 0.12
JST 0.034
BTC 63463.10
ETH 3243.17
USDT 1.00
SBD 4.45