Vodafone laaya 1 saal wala plan.
Bhaaiyo aaj main aap ko vodafone ke ek naye plan ke baare me share karunga. Vodafone meri dusri pasand hai aur meri pahli pasand jio hai. Jio ke baad mujhe vodafone sab se behtar lagta hai speed me bhi aur service me bhi. Aaj kal sabhi telecom company 1 saal wala plan launch kar rahi hai. Jio ke pass to hai hi airtel ke pass bhi hai ab vodafone ne bhi 1 saal wala plan launch kiya hai.
Image source
1,999 rupya hai iss plan ki kimat.
Ye plan ek saal ka hai aur iss ki kimat 1999 rupya rakhi gayi hai. Iss me tension waali baat nahi hai mujhe to ye plan bahut achhi lagi hai agar abhi main jio ka istemaal na kar raha hota to main ye wala plan jarur le leta. Iss plan me aap ko har roj 1.50 gb data milega aur calling ki suvidha bhi iss me unlimited hai.
Ye plan pure 365 din ka hoga ek baar recharge karwa lijiye aur ek saal ke liye tension free rahiye. Isliye mujhe ye wala plan kaafi pasand aaya hai aur har roj ka 1.50 gb bahut hota hai iss se jyada thodi na aap iss ka istemaal karenge. Isliye mujhe ye plan bahut badhiya laga hai.
Vodafone na bhaaiyo ek achha sim hai iss ka network bhi har jagah achha pakadta hai isliye main iss ki itni tareef karta hoon. Airtel waale be matlab ka bahut jyada lootte hai. Wo bs tv me ads dikha dikha ke aisa karte hai jaise ki unka sim bahut mahaan ho aur unse achha koi aur sim nahi milega. Lekin kuch khaas nahi hai unki sim me aisa ki unko jyada paisa dena chahye. Unke plans bhi mehenge hote hai.
Kewal Kerala me chalega ye plan.
Ek aur baat ye hai bhaaiyo ki ye plan kewal Kerala waalo ke liye hi hai abhi dusre circle me iss plan ko launch nahi kiya gaya hai. Matlab dusre jagah par ye plan kaam nahi karega. Company ne abhi tak bataya nahi hai ki dusre circle me iss plan ko kab launch kiya jaayega. Yadi aap kerala se ho to aap ke liye bahut hi achhi baat hai iss se achha plan aap ko nahi milega.
Ho sakta hai jald hi ye plan dusre circle me bhi shuru kar di jaaye. Yadi mere circle me suru hua to main soch raha hoon jio ko chod ke ye wala plan main bhi le lu kyo ki mujhe bhi ye long term plan kaafi pasand aaya hai ek baar recharge karo fir araam karo mast.