Are aisa kon karta hai bhai.

akshaykumar12257 (74)in #life • 5 years ago

Bhaaiyo sabhi logo me pubg ki deewangi sir chadh kar bol rahi hai. Har koi aaj kal pubg game khel raha hai mujhe lagta hai aap bhi khelte honge. Main bhi khelta hoon lekin kabhi kabhi yaar har roj nahi khel paata kyo ki samay nahi milta hai jab samay milta hai to main ye game khelta hoon mujhe bhi achha lagta hai lekin maine kabhi apne paise nahi lagaaye iss game me.

Image source

Lekin kayi log aise hai ki pubg ke deewane ho gaye hai aur wo log iss me paisa lagaate hai aur paise se customized skin kharidte hai aur skin wagera kharidte hai aur kayi log controller bhi kharidte hai khelne ke liye. Main ye sab ke chakkar me nahi rahta yaar ye sab me apne paise barbaad nahi karna chahta main.

Papa ke account se nikaale 50 hazar.
Hahaha aap ko pata hai ek 10th class me padhne wala ladka pubg ka itna bada deewana tha ki apne papa ke account se hi 50 hazar rupya nikaal liya. Aur apne papa ko pata bhi nahi chalne diya wo 50 hazar rupya se kaafi kuch kharida. Batao banda kitna deewana tha pubg ka yaar papa ko bina bataaye unke account se paise nikaal liye bande ne.

Uske papa ko pata bhi nahi chala kuch din tak jab uske papa ne account check kiya to dekha ki 50 hazar account se gaayab hai. Iss ke baad usne police ko iss ki jankaari di aur fir police ne chaan been ki to pata chala ki ek paytm number par wo paise daale gaye hai. Baad me jab paytm number ki jaanch ki to pata chala uske bete ki hi number thi. Puch taach me bataya ki jab papa soye huye they tab usne papa ke number me OTP send kiya paise nikaalne ke liye aur fir OTP bhi delete kar diya taaki papa ko pata na chale.

Baad me uske papa ne case wapis le liya ab 50 hazar ke liye thodi na apne bete ko jail bhejega. Lekin pitaayi bahut hui hogi ladke ki aur sayad mobile bhi cheen liya hoga. Batao yaar kaise kaise bachhe hai papa ke account se paise nikaal liye aur unko pata bhi nahi chalne diya.

Image source

Ek bande ne ki aatmhatya.
Ye aaj ki nahi bahut puraani news hai maine suna tha ki ek bande ko uske parents sasta wala mobile dilwa rahe they lekin wo mehnga mobile lena chahta tha taaki badhiya se wo pubg khel sake lekin ghar waalo ne nahi diya to usne suicide kar liya. Batao yaar iss bande ne to ek dum hadd hi kar di badhiya mobile lene ke liye paise na dene par suicide kar liya. Itna jyada deewangi bhi badhiya nahi.

Aap sabhi logo se gujarish hai game kheliye lekin limit tak kheliye uska aisa adat mat bana lijiye ki galat kaam karna pad jaaye aur baad me aap ko aur apke parivaar ko pareshaani ho.