Beta tum se na ho paayega

akshaykumar12257 (74)in #life • 5 years ago

Aaj to bhaiyya bada target de diya hai england ne bangladesh ko aur mujhe nahi lagta hai bangladesh ye target kabhi bhi pura kar paayega. Aap hi batao aap ko lagta hai ki bangladesh kabhi bhi 387 run maar paayega wo bhi england ke bowler ke khilaaf mujhe to nahi lagta hai bhai log. Bahut hi achha khela hai aaj england ne aur jason roy ne to bhaiyya faad ke rakh diya hai.

Image source

Jason roy ne thok diye itne run.
Iss world cup ka sab se jyada run maarne waale khiladi ban gaye hai jason roy. Ji haan dosto ek hi paari me ab tak kisi bhi khiladi ne 153 run nahi maare hai. 121 gend me 153 run maare hai aur ye kuch kam nahi hai bahut hi achha khela hai bande ne. Iss baar ben stokes nahi chal paaya warna pichle baar iss ne bhi achhi paari kheli thi.

England jeet sakta hai iss baar world cup.
Sab se majboot team ki baat kare to australia aur england iss baar sab se majboot team lag rahe hai. Australia to bhaiyya hamesha hi majbooti se khelti hai lekin england aisa nahi khelti aur ab tak england ne ek baar bhi world cup nahi jeeta hai. Jab ki cricket ki shuruwat bhi england ne hi ki thi. Fir bhi inki haalat kharab hai lekin iss baar ye tagde khiladi leke aaye hai aur ho sakta hai iss baar ka world cup apne naam kar le.

Iss baar ke sabhi khiladi mast lage hai mujhe aur sab se achha to ye jos buttler hai kabhi niraash nahi karta hai aaj bhi ye banda bahut hi achha khela hai. 44 gend me 64 run maare hai ye bhi achha khelta hai aur IPL me rajasthan royal bas isi ke bharose baithi rahti hai. Dekhte hai ye banda iss saal apni team ko world cup jitwa paata hai ki nahi.

Image source

Afganistan aur new zealand ke beech bhi match shuru ho chuka hai aur usme afganistan ki haalat bahut kharab hai. Waise yaar mujhe lagta hai afganistan ko lena hi nahi chahye world cup me. Inse to koi match jeeta hi nahi jaata hai. Bahut hi bhaklol ki tarah khelte hai ye log. Inke bas 2 hi player mujhe achha lagta hai ek rashid khan aur dusra muhammad nabi ye dono gendbaaj hai aur batsman to koi hai hi nahi iss ki team me.

99 run me hi 4 wicket gir gaya hai inka. Ye kaise khelenge bhai mujhe samajh me nahi aata hai. Pata nahi inse kaise ho paayega. Ye to kabhi sapne me bhi nahi sochte honge ki hum world cup jeet paayenge. Umeed hai iss baar bhi australia hi cup le jaayega ye nahi to fir england ko koi rok nahi sakta hai. Aap ko kya lagta hai aap bhi apni raay de.