Bhandara laga hai bhai log

Bhaaiyo aaj main thoda late ho gaya aur late hone ki wajah ye hai ki aaj main bhandara me gaya hua tha. Main pahle khaya fir baatne me lag gaya iss wajah se thoda late ho gaya. Waise bahut se log bhandare me khaane se sharmaate hai lekin main to nahi sharmata kyo ki main itna ameer nahi hoon ki sharmaau. Bade aadmi log sharmaate hai wo sochte hai ye kewal chote logo ke liye hai lekin main to bhaiyya mast khata hoon. 

Mujhe to bahut maja aata hai sab ke saath mast line me lago aur jaa ke lo aur khaao. Waise bachpan me ek baar milta tha fir dubara lene ke liye jaata tha fir teesri baar lene jaata tha. Jab tak wo badhiya se pahchaan nahi lete tab tak jaata hi tha lene ke liye. Bada maja aata tha main to chodta nahi tha aur ab bhi jaata hoon lekin ab bada ho gaya hoon ek baar se jyada maangne nahi jaata. 

Ab kharab lagega na bhai bachhe me kuch bol dega to koi baat nahi lekin ab baatne wala kuch bol dega to muh ban jaayega mera. Isliye ab ek hi baar lene jaata hoon lekin ek aur baat ye lene ke baad main usko khaata hi hoon kabhi usko feka ya fir khaa ke chod na diya maine main to mast khaaya. Mujhe achha lagta hai bhai ye khaane me. 

Waise main to bhaiyya muslimo ke yaha langar lootta hai tab bhi chala jaata hoon. :D Idhar muslim bhi rahte hai wo log langar bolte hai aur hum log bhandara. Kahi bhi free me mile chodna nahi chahye mast khaana chahye hai ki nahi. 

Main to aaj mast khaaya aur aaj pet bhar ke khaaya kyo ki aaj chalane wala bhi main hi tha. Pahle leke khaaya uske baad main bhi chalaane me lag gaya. Sab ko baata aur dhyaan rakha ki ek banda dubara na leke jaaye. Sab ko milna chahye bhai log tab bhi ek hi baar de raha tha.