Bitcoin me aayi tezi
Bitcoin to kamaal kiye jaa raha hai maine socha tha ye badhega lekin iss speed se badhega ye kabhi nahi socha tha. Sach me bahut hi tezi se badh raha hai aur dekh kar bahut achha lag raha hai lekin thoda sa dukhi bhi hoon kyo ki sirf bitcoin hi badh raha hai isi ke saath agar alt coin bhi badhte to maja hi aa jaata lekin sab abhi apna alt coin bech kar bitcoin me laga rahe hai ek main hi hoon jo steem me latka hua hoon.
tradingview.com
Dekh rahe ho tradingview se ye copy kiya hai maine kitna mast upar badha hai. Chalo yaar kam se kam btc to nahi mara na ye fir se badh raha hai aur ho sakta hai alt coin bhi jaldi hi badhna shuru kar de. Ye king hai kam se kam king to badh hi raha hai ye afsos ki baat hai ki mere pass kuch bhi bitcoin nahi hai agar thoda sa bhi rahta to mujhe bhi achha khasa profit ho gaya hota.
Khair ab kar bhi kya sakte hai aur jab karna tha tabhi maine steem ko btc me convert nahi kiya aur ab mujhe lagta hai karne ka koi faayda nahi hai warna fir se sala loss ho jaayega iss se achha hai steem me hi rahne do aur thoda intezaar karo badhna to hai hi ek na ek din aaj niche hai to koi baat nahi ek din sala ye upar aayega hi aayega.
Kyo itna tezi se badh raha hai.
Jaise hi bitcoin badhna shuru hua hai waise hi expert log saamne najar aa rahe hai. Sab expert apni apni alag alag raay de rahe hai. Koi kah raha hai bitfinex ne jo USDT ke khilaf kuch pange kiye they usi ki wajah se log apni USDT ko bech kar btc le rahe hai aur kuch ka kahna hai ki binance ne withdraw band kar rakha hai iss wajah se aisa ho raha hai.
Binance hack bhi ho gaya tha aur mujhe to lagta hai ye sab ek scam hai yaar. Sala binance ki security sab se tagdi thi sab kahte they binance mast hai iss ki security achhi hai fir bhi sala hack ho gaya hai. Ye koi baat hui sala 75% crypto waale isi me apna paisa rakhte hai aap bhi sayad isi me apna crypto rakhte honge. Batao jab ye hack ho sakti hai fir to sala dusre se kya umeed rakh sakte hai hum log.
Kya lagta hai iss saal fir se 20k paar?
Bhai log aap ko kya lagta hai iss saal fir se bitcoin 20k paar kar paayega. Jaise saal 2017 me kiya tha. Akhri akhri me bitcoin pagla gaya tha aur speed gati se 20k ko chu liya tha. Ab dekhte hai iss saal kiss high ko chu paata hai. Waise mujhe nahi lagta hai ki 20k kar paayega ye. Chalo dekhte hai kya hota hai. Waise steem ka to kuch samajh nahi aa raha hai ye ho bhi paayega ki nahi. Jab bitcoin 20k gaya tha tabhi steem $8 paar kar gaya tha lekin iss saal to aise koi asaar najar nahi aate hai.
You got a 26.52% upvote from @minnowvotes courtesy of @akshaykumar12257!