In dono ko mila mauka
Kuch din se Hardik aur Rahul fase huye hai. Dono par ek bura saya mandraane laga hai. Ye sab kuch Karan ki show me jaane se hua hai. Ab wo kisi ki bhi show me nahi jaayenge aisa mujhe lagta hai. Waise utna kuch galat nahi kaha tha unlogo ne lekin fir bhi wo India ke liye khelte hai India ko represent karte hai unhe iss tarah bolna nahi chahye. Apni jubaan par control karna chahye itna khul kar bolna sirf bollywood waalo ko sobha deta hai cricketer ko nahi.
Image source
Dono kar diye gaye hai ban.
Unke asleel comment ke baad dono ko ek match ke liye ban kiya tha lekin ab sun raha hoon ki Australia se one day series me ban hi kar diya hai aur New Zealand me bhi oneday series hone wala hai 23 January se waha se bhi dono ko ban kar diya gaya hai. Kaafi lamba ban kar diya dono ko chaliye tab tak ye bhi araam karenge aur sochte rahenge ki ab kya bolna hai.
Mujhe to lagta hai ab kisi show me ye jaayenge hi nahi itna himmat hi nahi hoga ki kisi bhi show me jaaye. Mujhe to lagta hai agar Kapil bhi apne show me bulaaye to waha bhi ye jaane se mana kar denge. Chaliye isi bahaane inko ek seekh to mil gayi hai ab aisa sayad hi nahi karenge.
Vijay Shankar ko mila mauka.
Hardik Pandya ko ban kar diya gaya hai aur uski jagah par Vijay Shankar ko chuna gaya hai. Ye bhi alrounder hai waise kon hai ye mujhe yaad nahi hai. Ab to Shankar bhaiyya bhi khush honge ki chalo achha hua wo show me gaya tha uske wajah se kam se kam mujhe to mauka mil gaya. Main bhi soch raha hoon ki achha hua.
Rahul ki jagah Shubman ko mauka.
Rahul ko bhi ban kiya gaya hai wo New Zealand me one day match khelne waale they lekin inki jagah par ab Shubman Gill khelnge. Ye banda bhi achha hai bhai chalo kam se kam iss ko mauka to mila isi bahaane main iss ke liye bahut khush hoon. Iss ne KKR me achhi paari kheli thi mujhe to ye banda bahut pasand hai aur waise bhi Rahul kharab form me chal rahe they sayad Shubman uski jagah par achha khelenge.