India me hi hoga IPL
IPL ka schedule aa gaya bhai bhaaiyo khush to aaj bahut honge aap log. Aap ka to pata nahi lekin main bhaut khush hoon kyo ki main iss ka har saal intezaar karta hoon. Mujhe cricket me bas 2 hi match pasand hai ek IPL aur dusra world cup. Iss saal world cup bhi hai aur dekhne ke liye main bahut jyada utsahit hoon. Uska schedule to pahle hi aa chuka hai lekin maine dekha nahi kyo ki abhi usme samay hai isliye abhi to IPL ka hi charcha hoga.
Image source
23 march 2019 se shuru kiya jaayega IPL aur aap ko pata hai India me hi match hoga. Aisa kaha jaa raha tha ki match videsh me hoga lekin ab tay kar diya gaya hai ki videsh me nahi India me hi IPL ka match hoga. Ab to khush hai na aap log main to kabhi kabhi stadium me jaata hoon dekhne ke liye warna hotstar me hi apna kaam chala leta hoon.
Chunav ki wajah se videsh me hona tha IPL.
Aap ko to pata hai na iss saal chunaav hai aur mujhe to pakka pata hai fir se Modi ji hi pradhan mantri banne jaa rahe hai. Khair chunaav ke chalte match videsh me hone ki baat chal rahi thi kyo ki yaha chunaav ke wajah se mahol bigda rahta hai. Lekin iss baar IPL ke jo main main log hai na wo sab ne faisla liya hai ki IPL apne hi desh me ayojan hoga aur march ke akhri me shuru kiya jaayega.
Chaliye bahut achhi baat hai ki apne hi desh me hoga IPL kyo ki agar dusre desh me hua to fir waha stadium full nahi honge. Ab India se koi videsh match dekhne thodi na jaayega bhai. Isliye mujhe lagta hai ye sahi faisla kiya hai jiss ne bhi kiya hai.
2 baar videsh me hua match.
Aap IPL dekhte honge to aap jaante honge ki 2 saal videsh me ho chuka hai IPL. Ek baar saal 2009 me aur ek baar saal 2014 me match hua tha videsh me ek baar South Africa me aur dusri baar Dubai me match hua tha. Ab iss saal India me hi match hoga aur stadium to 4-5 baar jaaunga hi main ab dekhte hai kya hota hai.
Image source
Pichle baar se jaldi ho raha iss baar.
Aap to jaante hi hai IPL har saal april me hota hai lekin iss saal March me ho raha hai. Wajah wahi hai chunaav, iss ko bhi to dekhna hai aur koi chota mota chunaav thodi na hai. Waise agle saal bhi IPL Chennai hi jeetne jaa rahi hai lekin chunaav kon jeetega aap ko kya lagta hai? Mujhe to lagta hai Chennai trophy jeetega aur Modi chunaav jeetenge.