Iss saal apni currency ki bhi haalat kharab rahi

in #life5 years ago

Pichla saal na to crypto ke liye achha raha aur na hi Indian currency ke liye. Crypto to ek dum down hi raha sab bol rahe they ab pump ab pump hoga lekin kuch bhi na hua ulta bas dump hua hai. Isi tarah Indian currency ki bhi haalat kharab rahi. INR ki value usd ke mukaable 74.50+ pahuch gayi thi lekin abhi fir se stable ho gayi hai waise mujhe to laga tha ki 80 paar ho jaayega iss saal aate aate. 

Abhi 70+ chal raha hai lekin dekhiye aane waale waqt me kya hota hai. Iss saal to chunav wala mahol rahega, Modi ji ne bhale hi kade kade faisle liye ho lekin fir bhi logo ka maanna hai wahi iss saal fir se desh ke pradhan mantri banenge. Waise jab INR loose hua tha to mujhe bahut khusi hui thi kyo ki main to bhai usd me hi kamata hoon aur mast jyada paise mil rahe they. 

Lekin ab to fir se ye apni jagah par aa gaya hai. Modi ne chunaav se pahle kaha tha INR ko fir se 50 par le aayenge lekin yaha to ulta ho gaya hai 75 par chala gaya tha lekin ab fir se thoda stable to hua hai. Chaliye ye achhi baat hai ki fir se ye 70 par ho gaya hai apne desh ke baare me pahle sochna hai bhai desh hai tab hi jivan hai. Yadi apna desh ka currency niche jaayega to apne desh ki value kam hone lagegi isliye iss ka majboot hona jaruri hai. 

Petrol ke daam bhi pichle saal sab se upar rahe they.
Aap to jaante hi honge pichle saal petrol ke daam ne asmaan chu liye they. Sab bahut funny funny meme bana rahe they. Ab tak ka sab se highest petrol price pichle saal hi hua tha lekin ab fir se rate raahat par aayi hai. Pahle se thoda daam kam hai pahle to har roj rate badhaate they. Ek bhi aisa din nahi rahta tha jiss din petrol ka price padhta nahi tha. 


Image source

Par ab price ghat raha hai ye sab politics hai bhaiyya iss saal chunaav jo hai aur Modi ji jaante hai agar ye nahi kiya to fir agle saal wapis kaise aayenge. Bhale hi Modi ji ne notebandi ki ho aur GST laayi ho lekin fir bhi sab Modi ko support kar rahe hai. 

15 lakh ka wada kiya tha lekin diya nahi.  
Aap to jaante ho Modi ne pradhan mantri banne se pahle ye wada kiya tha ki sab ko 15 lakh rupya diya jaayega jo black money ka aayega wo. Lekin kisi ko kuch mila hi nahi ek baar to maine news me suna tha ki ek banda bank me jaa ke hungama karne laga tha ki ab tak Modi ne mere account me 15 lakh kyo nahi bheje. 

15 lakh to kabhi aane waale nahi hai. Kyo degi bhai government itna paisa free me aur agar de diya to pata hai kya hoga. Kitne din tak gareeb log kamaane ke liye nahi aayenge. 15 lakh jab tak khatam na ho jata tab tak wo kamaane nahi jaayenge.

 Idhar to aisa hi hai ek banda ricksaw chalata hai wo pahle 2 din kama leta hai fir paise khatam hote hai tab jata hai rickshaw chalaane ke liye ye nahi sochta ki chalo thoda kama ke rakh lete hai. Bas isliye gareeb jo hai wo gareeb hi rah jaate hai. 

Coin Marketplace

STEEM 0.39
TRX 0.12
JST 0.040
BTC 70118.22
ETH 3546.28
USDT 1.00
SBD 4.89