Kal to mast jeete hum
Aisa kyo hota hai ki jab bhi main shikhar dhawan ko galat kahta hoon uss din wo banda mast khelta hai. Mujhe lagta hai ki har match se pahle mujhe shikhar ko abuse karna chahye taaki wo match me achha khele. :p :p :p Pichla post aap logo ne dekha hi hoga meri maine kaha tha ki dhawan ko bekaar me hi liya hai iss ko nahi rakhan chahye aur fir dekho bande ne century maar di.
Image source
Iss se pahle jab ye delhi ke liye khel raha tha tab bhi maine kaha tha aur uss time bhi iss ne bahut achha khela tha. Ye banda sach me kamaal hai yaar jab bhi galat bolta hoon tab tab mast khelta hai. Khair kal iss ke achha run banaane ki bahut jarurat thi aur bande ne bahut hi achhi paari kheli sach me kal iss bande ne mera dil hi jeet liya hai. Ab chahe ye kaisa bhi khele lekin main iss ko abuse nahi karunga yaar.
Achha khela hai dhawan ne.
Kal bande ne 109 gend me 117 run mara hai ye dekh kar mera dil khush ho gaya. Kal sabhi ne achha khela main socha raha tha pahle batting nahi lena chahye tha lekin nahi yaar main galat tha pahle batting leke bahut sahi kiya hai. Australia ko hara diya yaar ab mujhe lagta hai hum bhi world cup ke laayak hai iss se pahle mujhe lagta tha australia ya fir england hi world cup jeet sakta hai aur koi nahi.
Lekin kal ke match me main galat saabit ho gaya. Humari team me bhi bahut taakat hai aur iss baar ka world cup hum hi jeetenge. Dekh lena bhai log ab hum bhi ek majboot team hai.
Kal virat bhi chaa gaya.
Apna kaptaan bhi kisi se kam nahi hai dosto kal mast khela hai iss bande ne. 77 gend par iss ne bhi 82 run banaaye hai. Uske baad virat ka pose dekho ek dum sachin jaisa hi hai. Sachin bhi bilkul aise hi khada hota tha aap ko yaad hai na agar nahi to google kar ke dekh lo. Virat hi hai jo word cup dilwaayega hum logo ko ye banda ek dum alag hai aur sab se achha batsmen hai abhi ke samay me. Kya aap ko aisa nahi lagta hai.
Ab 16 June ko maja aane wala hai jab hum pakistan ko harayenge. Wo to waise bhi bachho se haar jaate hai. Inki team me bilkul dum nahi hai aur pahle match me to 105 run hi mara tha batao sala shikhar dhawan se pura pakistan haar gaya aaj. Yadi pakistan 105 run maarega India ke against to itna to apna ek hi khiladi maar dega yaar aur bilkul maja nahi aayega.
You got a 90.42% upvote from @minnowvotes courtesy of @akshaykumar12257!