Kaun hai asli haar ka jimmedaar?
Kya lagta hai aap ko kiss ke wajah se kal ka match hum haare hai?
Kal bahut hi ganda haare yaar aur bahut dukh ki baat hai sala sab match jeette aaye hum aur jo match jeetna tha wahi match haar gaye hum. Ye to sach me dukh ki baat hai yaar, iss se achha to sala baarish hi ho jaati kam se kam bach to jaate. Pata nahi team India ki shuruwat itni kharab kaise hui. Mujhe to samajh me nahi aa raha hai top order ke batsman sala ek ek run bana kar out ho gaye. Aisa kaun karta hai bhai.
Image source
Ye to humare bhaonaao ke saath khilwaad hua hai. Hume itna dukh ho raha hai to socho un khiladiyo ko kitna dukh hota hoga. Waise yaar new zealand utna khaas khiladi hai nahi usme. Waise bhi saale final me haar jaayenge fir bhi faltu me final me jaa rahe hai ye log. Inki team bahut kamjor hai yaar sab slow khelte hai pata nahi kal India kaise itna slow khel gayi samajh me nahi aata hai mujhe.
Target to bahut chota tha bhai.
Yadi target bada hota to maan sakte they ki chalo haan target bada hai sab jaldi jaldi me khel rahe hai out ho rahe hai. Lekin yaar target to bahut hi jyada chota tha fir bhi ye logo ne dil tod diya bhai log. Kasam se kya batau main aap sabhi logo ko mujhe rona aa raha hai kal se yaar. Sala socha tha iss baar world cup humara hoga sab se upar they hum point table me lekin dekho fir kya ho gaya.
Ab lagta hai Australia jeetega.
Chaliye ek baar fir se australia world cup jeetne jaa rahi hai. Aaj ke match me australia jeetegi aur fir final ek baar fir se australia aur new zealand ke beech me hoga jaise ki pichli bar hua tha. Uske baad ek baar fir se australia final jeet jaayegi. Sab se jyada power full australia hi hai yaar inko harana mushkil hai. Yadi aaj australia haar jaati hai na bhai to fir england jeet sakti hai. Aaj bhar hi mauka hai england ke pass world cup jeetne ka.
Ab tak ek baar bhi england ne world cup nahi jeeta hai jab ki world cup england hi khilwaate hai fir bhi ab tak nahi jeet paaye. Iss baar mauka hai inke pass jeetne ka ab dekhte hai jeet paate hai ki nahi paate hai. Waise mujhe to lagta hai australia jeetegi. Unki team jyada majboot hai aur abhi toss bhi australia ne hi jeeta hai aur toss jeeta iss ka matlab pahle batting lenge.
Dekhte hai ab aaj kya hota hai. Main chahta hoon ki aaj england jeete kyo ki england me bhi achhe khiladi hai aur ye deserve bhi karte hai iss baar. Har baar inko bas nakami hi mili hai isliye main chahta hoon iss baar ye jeete yaar.
Ye saale australia waale to har baar jeette hi aaye hai. Inke pass pata nahi itne bhayanak bhayanak player kaha se aa jaati hai ki har baar ye kabja kar lete hai world up par. Sach me ye tareef karne laayk khelte hai aur inke khiladi bhi sab achhe hote hai abhi bhi sab mast mast khiladi hai inke pass to bhai aaj bhi inko harana mushkil hai dekhte hai ab kya hota hai. Waise aap kiss ke samarthan kar rahe hai.
You got a 90.11% upvote from @minnowvotes courtesy of @akshaykumar12257!