Kya ho gaya hai iss team ko
Hyderabad ki haalat ho gayi hai bahut jyada kharab. Samajh me nahi aa raha hai ye itni majboot team achanak se itna kamjor kyo ho gayi hai. Kal bhi ek dum low score target diya tha itna to koi bhi team maar hi degi. Kal warner khele lekin bahut dheema khela. Thoda maar ke khelta to sahi rahta waise bhi wicket to haath me tha hi fir bhi itna slow pata nahi kyo khel rahe hai hyderabad ki team.
Image source
Kal akhri over me punjab jeet gayi aur jeet jaana bhi chahye tha kyo ki target bahut kam tha. Itna to punjab ki team araam se maar sakti hai. Waise yaar ab main gayle ke chakke bahut miss karta hoon. Ye banda ab chakke laga hi nahi paata hai. Pahle jab RCB ki team me tha tabhi bowlers ki hawa nikaal deta tha lekin ab to ye banda chalta hi nahi hai.
Yahi wajah hai ki rcb ne iss ko pichle saal hi nikaal diya. Mujhe lagta hai agle saal se iss ko punjab waale bhi nahi lenge. Kya karenge lenge na fielding kar paata hai aur naa hi run bana paata hai. Ye to ek dum bekaar ho gaya hai isliye iss ko ab lena sahi nahi hai. Waise punjab ki team utna badhiya bhi nahi hai lekin fir bhi point table me teesre number par hai aur mujhe lagta hai iss baar ye play off me jarur jaa ke rahegi.
Kane kaha chala gaya yaar.
Ye banda kaptaani mast karta hai aur isi ki kaptaani ki wajah se pichle saal final me pahuch gaye they. Pata nahi iss saal ye kaha hai bas sayad 1 hi match iss ne khela hai uske baad to ye najar hi nahi aaya. Bhuvneshwar Kumar ko kaptaani de rakhi hai pata nahi iss ko kyo kaptaan banaya hai iss se achha to warner ko kaptaan banaate. Sahi kaptaan na hone ki wajah se hi ye log match haar rahe hai. Dekho ab kane bhaiyya kab aate hai.
Punjab me to bas lokesh rahul hai aur koi maarta bhi nahi hai. SRH me maarne waale player hai aur bowler bhi achhe hai fir bhi haar rahe hai. Sab ki wajah badhiya kaptaan ke na hone ka hai. Yadi badhiya kaptaan hota to inka haal abhi aisa na hota ye ek dum top par hote lekin ab kya kare. Bas kane ke aane ka intezaar hi kar sakte hai.
Aaj kolkata aur chennai ka mukaabla hai.
Match dekhne me to aaj bahut jyada maja aayega kyo ki aaj dono majboot team apas me bhidegi. Dono hi team point table me sab se upar hai isliye aaj ye dekhna hai ki kon si team baaji maarti hai. Main batau kon jeet sakta hai? Jiss team ko pahle ballebaji milegi wahi team haar jaayega. Dekh lena aap log pahle ballebaaji karne wala team hi haarega.
You got a 97.60% upvote from @minnowvotes courtesy of @akshaykumar12257!