Mumbai ne kal kamaal kar diya
Mumbai sidha final me pahuch gayi hai chennai ko hara ke. Mujhe laga nahi tha ki ye chennai ko hara paayenge lekin yaar hara diya ye sach me gazab hi kar diya hai. Chalo ab ek davedaar to mil gaya hai ab dusra dekhte hai kon hota hai. Aaj SRH aur DC ki match hai aur mujhe lagta hai ki DC jeet jaayega. Khair pichle match ki pahle baat karte hai. Jo bhi kaho yaar dhoni ki hawa tight ho jaati hai mumbai ke saath.
Image source
Waise Dhoni kal thik hi khela.
Dhoni ne kal 29 gend me 37 run banaaye hai chalo IPL me to thik hi khel raha hai abhi yahi India ke liye khel raha hota to fir 37 ball me 20 run banata. Khair koi nahi chalo achha hai dekhte hai world cup me kya hota hai. Mujhe to lagta nahi hai ki world cup me hum jeet paayenge. Mujhe lagta hai world cup iss baar bhi australia le jaayega. Inki team me jyada dum hai.
Khair kal ka match kuch khaas nahi tha. Waise chennai ko pahle batting mili isliye haalat kharab ho gayi. Jiss bhi team ko pahle batting milti hai uski haalat kharab ho hi jaati hai. Kyo sahi bol raha hoon ki nahi main sala pahle batting milti hai na to fir samjho match bhi gaya. Baad me batting milti hai to fir maja aata hai samajh me aata hai ki kitna maarna hai kaise maarna hai.
Aap log agar betting karte ho to aankh mund kar uss team me paisa laga do jo team baad me batting karti ho. Kyo ki 90% usi team ke jeetne ka chance hota hai. Samajh rahe ho na bhai log. Waise main to batting karta nahi hoon isliye main lagata nahi hoon. Yadi main betting karta to achha khasa paisa kama liya hota lekin chodo ab kya kar sakte hai.
Kal Yadav ji ne to kamaal hi kar diya.
Ye banda mumbai ke liye achha khel raha hai ek yahi to hai jo maar raha hai. Iss ke alawa ek hardik pandya hai jo run maarta hai mumbai ke liye warna kaptaan ki paari to bahut kharab rahi hai. Iss baar kaptaan ke roop me sab se achha dhoni hi khela hai kaptaani bhi badhiya kiya aur run bhi achha banaya hai. Kal yadav ne bhi 71 run banaaye hai aur mumbai ko asaan si jeet dilwa di.
Mujhe lagta hai kolkata ne bahut badi galti ki hai iss ko retain na kar ke. Jab se kolkata ne iss ka saath choda hai tab se ye banda mumbai ke liye bahut acha khel raha hai. Baaki ke kolkata ke khiladi to aap jaante hi ho. Agle saal yadi saalo ne uthappa ko liya na to patak patak ke maaruga unke selector ko. Pata nahi unko uthappa me kya dikhta hai ki har saal le lete hai. Ek dum bhaklol selector hai kolkata ke unse achha to main team select kar ke de dunga. .
Chaliye ab kar bhi kya sakte hai. Dekhte hai iss saal ab kya hota hai kon baazi maarta hai. Mumbai to pahuch hi gayi hai final me ab dusra kon final me jaayega aap ko kya lagta hai? Main kahu to mujhe lagta hai delhi jaayegi final me. Aap ko kya lagta hai kon jaayega final me? Mujhe to pakka pata hai delhi jaayega aur delhi ke saath mumbai ki match hogi aur final jeetega to mumbai hi bhai log.
You got a 88.51% upvote from @minnowvotes courtesy of @akshaykumar12257!