Naukri ki talaash ab shuru
Ab job khojne ka samay aa gaya hai bhaaiyo. Ab steemit me kuch bhi faayda nahi ho raha hai bot se vote lene me bhi ab kewal loss hi ho raha hai sab paaglo ki tarah bot me lagaate hai bhale hi loss ho lekin fir bhi lagaate hai. Aaj kal bot se kewal loss hi ho raha hai profit ka to naamo nishaan hi nahi hai fir bhi log tut pade hai. Ab pata nahi kya hoga steemit ka ek to iss ka rate itna kam ho gaya hai.
Image source
Aaj saare coin achha upar gaye hai bitcoin ka bhi rate aaj badha hai lekin pata nahi steem ko kya ho gaya hai yaar. Bitcoin ka rate jab 5% badhta hai to steem ka rate 1% badhta hai jab ki baaki ke alt coin ka rate 10% se upar jaata hai. Aur jab bitcoin 5% down jaata hai to steem 20% down jaata hai jab ki dusre alt coin 10% hi down jaate hai.
Aisa pata nahi steem ke saath hi kyo hota hai. Iss ka rate itna kam kyo hote jaa raha hai ab to koi profit bhi nahi hai steemit me bas loss hi hota rahta hai. Iss ka rate ab badh hi nahi raha hai ab yaha kaam karne ka bhi dil nahi karta hai. Soch raha hoon job start kar du waise bhi steemit me ab maja nahi aata hai.
Sarkari nokri ki taiyaari kar raha hoon.
Aap to jaante hi ho main sarkari job ki bhi taiyaari kar raha hoon lekin itna jyada sala competition hai ki bas pucho mat yaar. Tamil Nadu me 14 sweeper job ke liye 4,600 MBA aur engineer ne apply kiya hai dekh rahe ho aap berojgaari kitni jyada hai. Sweeper job ke liye MBA aur engineer ke student pagla gaye hai.
Aise me mera job milna mujhe mushkil hi lag raha hai iss se achha hai ki private job karo kuch to milega kam se kam bhukhe to nahi marenge. Ab kar bhi kya sakte hai bhaaiyo kuch na sahi se thoda hi sahi hota hai. Main to ab job dhundh raha hoon bhale hi 5000 rupya wala mil jaaye main wahi kar lunga bhukha nahi marna hai aur steemit me apna loss nahi karna hai.