Gara gara silop

in #life6 years ago (edited)

Gara-gara tasoek silop.
Kajiseutop ateuh ubin.
Bek meucureh tegel yang got.
Wab leupah top tansoe saying.

Ladom beungeh tasoek silop.
Watee lenglot laju jiking.
Puelom ji'eu yang meucingklot.
Saweub nyang cop kon pak mukim.

Meunyoe murah tasoek silop.
Na nyang seutot u lampoh trieng.
Leupah bako bek kaceukot.
Puelom urot, taloe keu ieng.

Lagot muloh kubloe silop.
Kalheuh kucop bak kulet drien.
Watee jimat mangat teutop.
Bek kapeurhop adak kangieng.

Kusak hape dalam silop.
Soe-soe lenglot laju kr'ang kring.
Meusoe teupue awak tingkot.
Tinggai takop trok u mulieng.

Meunoe pasai bit leupah cot.
Meusoe peugot sideih ubin.
Watee phon - phon dari leuhop.
Dudoe jiwot deungon enzim.

Kadang jiluem hana rhop-rhop.
Ruman that got watee jihing.
Meusoe teupue ban hana jop.
Tanyoe jitop deungon suling.

Dua pasang di lon silop.
Nyang jeh kucop bak boh leupieng.
Meunyoe trok nyan jineuk rampot.
Bah kusinthop mangat ang ing.

Dari ungkot meuri leubot.
Meunan silop pasangan bieng.
Takot jicroh le si jarot.
Si uroe op, na nyang peusieng.

Silop gadoh kuneuk seutot.
Kon atra gop bek kapending.
Watee kubloe, kon peng korop.
Nyang meucingklot seip ngon peng ting.

NB: lam lam meuseujid kajak soek silop, kon kajak lam-lam WC keudeih...h h h, long han kujak le bek kapakat beh...? Hhhhhhhhh

FB_IMG_1531066984503.jpg

Coin Marketplace

STEEM 0.36
TRX 0.12
JST 0.039
BTC 69965.85
ETH 3540.49
USDT 1.00
SBD 4.71