"Ineng, Nasaan ang Iyong Dangal?" : An Original Filipino Poetry

in #life5 years ago

Si Maria sa aming nayon ay ubod ng ganda,
Kalalakiha'y napapatingin sa kanya.
Mukha'y mala-anghel kung tingnan,
Hubog ng katawa'y ang sarap pagmasdan.


Kapag dumadaan mga lalaki'y napapatili,
Sa kagandahan ba? O sa kangyang gawi?
Umaga't gabi palagi siyang pinaparinggan,
Sa mga gawa nya siya's pinagtsitsismisan.


Mahimbing ang kanyang tulog sa kaumagahan,
Gising na gising ang katawan sa kagabihan.
Hindi siya kolsenter pero bakit tuwing gabi?
Anong trabaho ito at bakit siya's nawiwili?

777.jpg


Ang puhunan niya ay ang kanyang katawan,
Mabentang-mabenta ang kanyang kalamnan.
Katawan at mukha'y punong-puno ng kolorete,
Sa gabi'y gustong-gusto siyang malabas ni pepe.


Kahit hindi bagsak presyo, bentang-benta ang laman,
Dahil sa angking ganda, at hugis ng katawan.
Pinipilahan at pinag-aagawan ng mga kalalakihan,
Layong masipi kahit presyo's may kamahalan.


Maria, Ineng saan napunta ang iyong dangal?
Tuwing linggo, ikaw ba ay nagdadasal?
Bakit ka napunta sa bagay na ganito?
Mga pangarap mo'y ito lamang ba ang gusto?


Maraming salamat sa pagbasa! (Thank you for Reading!)

Nawa'y nagbigay-aliw ang tulang ito sa inyong mga magiliw kong magbabasa. Kung may mga komento o suhestiyon kayo sa naturang tula, huwag mag-atubiling ilahad ang inyong mga opinyon. Ako'y lubos na magpapasalamat kung ako'y iyong tutulungan sa paghubog ng aking kakahan.

Muli, maramng salamat po!



Photocredits : One Two

Coin Marketplace

STEEM 0.35
TRX 0.12
JST 0.040
BTC 70638.80
ETH 3565.34
USDT 1.00
SBD 4.73