Kami ay lubos na nagagalak dahil sa pinakitang dedikasyon ng mga Pilipinong sumali sa amiing unang patimpalak tungkol sa paggawa ng tula na may temang pagkamakabayan. Naipakita ninyo ang inyong angking galing sa matalinghagang pagsulat at ang inyong pagkamalikhain sa temang binigay at uri ng sulatin.

Hindi man gaano karami ang nagsumite ng kanilang mga gawa, lubos parin ang aming tuwa dahil may mga Pilipinong gustong matuto ng ibang gawain at magkaroon ng ibang paraan para makuha ng biyaya sa steemit. Asahan niyong tuloy-tuloy ang aming mga proyektong gustong ipamahagi sa mga Pilipino.

Kaya ito na ang mga mapapalad na napili at mananalo ng karagpatang gantimpala

---

• 1st place - @lyxng makakatanggap ng 7SBD

Literaturang Filipino : Manipesto ng Isang Anak ng Pilipinas (Orihinal na Tula)

Ako ay isang Pilipino,
Hinabi ng hiwaga at agos ng panahon
Sa aking mga ugat ay nananalaytay ang dugo ng mga nagdaang henerasyon --
Ng mga bayaning namuno sa mga makasaysayang rebolusyon;
Ng mga makatang nagbuwis ng buhay para sa kalayaang natatamasa natin ngayon.

---

• 2nd place - @ybanezkim26 makatatanggap ng 5 SBD

Literaturang Filipino: Nasyonalismong Sinubok ng Panahon at Pagkakataon

Magsimula tayo sa sinaunang lugar at panahon
Sa isang pook na hindi pa tukoy ang eksaktong lokasyon
Sa isang bansang hinahampas ng mga alon
At ang tao't kapaligiran ay matalik pa ang interaksyon.

---

• 3rd place - @rigor na makatatanggap ng 3 SBD

" Literaturang Filipino : Pilipinas kong Mahal "

walang ibang pag-ibig ang hihigit pa
sa pag-ibig sa tinubuang lupa

Pilipinas, lupang aking sinilangan
walang kapares, walang kasing yaman

---

Congratulations sa inyo at Maraming Salamat!

---

Sa mga hindi pinalad na manalo, maraming salamat dahil naging parte kayo sa paligsahan at naipakita niyo ang angkin ninyong galing sa pagsulat ng wikang Filipino. Naway mapaunlad pa ninyo ang inyong kakayahan sa pagsulat at sumali ng sumali sa mga magaganap pang patimpalak hanggang manalo na.

Antabayanan ang aming susunod na patimpalak!