فعلا فعلا أحسست بالعجز أمام هذا الوضع, و ماعرفت ما ندير من غير انني نكتب هاد البوست
إبراهيم هو ابن اختي , انا خالو حضرت ليه نهار تزاد و كبر قدام عيني بحال ولدي
نهار فاش مرض بسرطان الدم هادي ثلاث سنين , فعلا الامر كان صدمة كبيرة للعائلة ( عمر تخيلت هاد المرض ايقيس شي حد قريب ليا لهاد الدرجة , كنت تنسمع عليه بحال كل الناس و تنقول لله ايشافي ديما تنقول هادشي كي وقع غير للناس الآخرين عمرو ايقرب ليا او شي حد تنعرفو عن قرب, ولكن قدر لله ما شاء فعل )
الحمد لله مو صبرت و بدات العلاج ديالو,
لي الاحصائيات و على حسب ما بحث انه اغلب الاطفال تي تعالجو منو ايلا تبعو العلاج ديالهم كما ينبغي
و هدشي لي طرا, هادي ثلاث سنوات بدينا ليه العلاج في مستشفى 20 غشت لي هو عبارة عن العلاج الكيميائي, ( وليديه على قد الحال )
العلاج لي كان ماشي ديما تيدار في الوقت ديالو نظرا لعدة أسباب , يا إما الدواء تي كون مقطوع يا إما المستشفى عامر و ماكينش بلاصة فين اينعس ابراهيم
من بعد ثلاث سنوات , لواليدة ديالو تقاتلت فيها, خبرونا انو الحمد لله تعالج يعني مشا المرض
ولكن في بداية شهر غشت لي فات براهيم بداو كي بانو عليه أعراض, قاصحة في الدات ديالو ( عينه ولات حمرة بزاااف و كرشو تنفخت )
ديناه عند طبيب العينين قالينا ما عندو والو , وعودنا رديناه ل 20 غشت نعرفو اش وقع , قالو لينا خاصنا ناخدو ليه تحليلة العظم باش نعرفو واش رجع ليه المرض اولا , الامر لي ستغرق 15 يوم
مالي رجعنا عندهم و سيد الامر عندو تتفاقم , عودو قالو لينا انه خصنا نعودو التحليلة ديال العظم و غادي تعودو تسناو 15 يوم
و في حالت ما ايذا كان رجع ليه المرض غادي ايخصو اينعس في السبيطار و لكن حتيل من وراء السيمنا دلعطلة ديال العيد الاضحى
يعني ليقينا أمامنا على الاقل 20 يوم باش ايبدا يتعالج ايلا كان مريض, و سيد حالتو من سيء لأسوأ
صراحة شدنا يئس كبير, ففكرنا نخرجوه برا المغرب يتعالج على أقصى وجه من السرعة , فبانت لينا تركيا هي الوحيدة حينت بلا فيزا شدينا تذاكر الطائرة و مشا هو ومو لتماك على لله ما عرفين ما يديرو
بخلاصة ديناه وصلو لسبيطار خاص تماك في اسطنبول و هنا في هاد الفيديو لي درت قبل فيه تصاور و كلشي :
https://goo.gl/xpeH8r
هاديك تحليلة لي خدات هنا 15 يوم داروها ليه تماك في سعتين , و لقينا بالي لمرض رجع ليه 100% .
وهاد الخطرة الحظوظ باش ايتعالج تقلصو لانه دات ديالو بدات تتعود على الدواء
فالسبطار تماك قال لينا خاصو ولابد ايدير عملية زرع النخاع العظمي , الأمر لي تي كلف 125 الف دولار امريكي هي تقريبا شي 125 مليون سنتيم مغربية .
التكلفة العلاج غالية و براهيم ما قدرناش مزال نردوه للمغرب لأنه هاد النوع من العمليات ما تيدارش هنا ( لأنه براهيم ما عندوش خوه لي يتربع ليه بالنخاع )
و الوقت تيدوز علينا قد ما تعطلنا قدما فرص نجاة ديالو تي قلالو, و نسبة نجاح العملية ايلا دارت في وقتها نسبة كبيرة تتوصل تيل 90%
هادي اسبوع باش بدينا تنجمو لفوس لحمد لله في موقع :
https://www.cotizup.com/pour-aider-brahim
تجمعت 15 الف اورو و لي الجالية المغربية في الخارج عونتنا فيها شكرا ليكم من خاص القلب
و في المغرب في في لحساب لي فتحنا عند جمعية المبادرة للتضامن الاجتماعي الحساب الخاص بعملية التبرع للإبراهيم
- RIB 230 780 4651555 2210 130 02 83
ياله جمعنا 8350 درهم , شكرا للناس لي ساهمو من خالص القلب
ولكن مازال ياله 17% من المبلغ المطلوب , و الوقت كي ياكل من صحة ابراهيم
فعلا فعلا أحسست بالعجز أمام هذا الوضع, و ماعرفت ما ندير من غير انني نكتب هاد البوست
في الصراحة قريت من الاول حتى الاخير ومالقيت ما نقول من غير الله يسخر ليه الصالحين من الناس ويسر ليكوم الامور في اقرب وقت والله يشافيه ويخليه ليكوم 😢😢
المنشور فقط شاركته لهذ الطفل الذي يحتاج المساعدة منا الله يشافيه