Ma, Ikaw akong Gihigugma | #Mother's Day #009
@kfineee
Wala pa nitugpa ang adlaw,
Ikaw na kay nagatikaw
Nakaandam na pagkaon,
Aron inig mata nako sa kabuntagon,
Ako dayon kay makakaon
Uniporme kay nakaplantsa na,
Ug bag pangeskwela kay andam na
Gigunitan nimo akong kamot,
Ug ako imong giguyod sa dalan nga maanindot
Imo kong gitudluan sa maayong batasan
Imo kong gihulma aron ako mamaayong tao
Walay sama imong nabuhat para kanako,
Apan wala ka nagadahom sa akong maibalos kanimo
Ma, ikaw akong gihigugma
Salamat sa paghatag sa kalibutan
Salamat kay ako imong gitabangan,
Salamat sa tanan nimong pagkamaayo
Salamat ma...