How to Make Paper Photo Frame

ဒီတစ်ခါပုံထည့်လို့ရတဲ့paper photo frameတစ်ခုပြုလုပ်ထားပါတယ်။ဆန်းဆန်းပြားပြားလှပစွာပြုလုပ်ထားပြီး၊ပန်းပွင့်များဖြင့်လည်းအလှဆင်ထားပါတယ်။လိုအပ်တဲ့ပစ္စည်းတွေကရောင်စုံစာရွက်၊ကတ်ကြေး၊ကော်ဘူး၊ခဲတံ၊ပေတံ၊ပလပ်စတစ်ဘူးခွံစသဖြင့်လိုအပ်ပါတယ်။

ပထမအဆင့်မှာတော့အနီနှင့်အပြာရောင်စာရွက်အပိုင်းများဖြတ်မယ်။ပြီးနောက်အလယ်မှခေါက်ချိုးမယ်။ကော်ကပ်ရန်နေရာချန်ပြီး၊စာရွက်ကိုအပိုင်းငယ်များထပ်မံဖြတ်မယ်။စာရွက်ခေါက်ကိုဖြန့်၍အနားတွေကိုကော်ကပ်မယ်။ထိုနည်းအတိုင်းစက္ကူခေါက်သုံးခုပြုလုပ်ပြီး၊ပလပ်စတစ်ဘူးခွံကိုမှောက်၍စာရွက်ခေါက်တွေကိုတစ်ခုစီကော်ကပ်လိုက်ပါတယ်။ပြီးတော့ကတ်ထူကိုစက်ဝိုင်းပုံစံဘောင်အတွက်ဖြတ်မယ်။ကျောဘက်မှာကော်ကပ်ထားရန်အခြားကတ်ထူတစ်ခုကိုလည်းဖြတ်မယ်။ထိုကတ်ထူတွေကိုရောင်စုံစာရွက်ကော်ကပ်ပါ့မယ်။ဓာတ်ပုံဘောင်မှာကျောဘက်မှကော်ကပ်ရန်
photo standအဖြစ်ကတ်ထူကိုသုံးခေါက်ချိုးပြီး၊ရောင်စုံစာရွက်ကော်ကပ်ထားပါတယ်။

ဒီအဆင့်မှာတော့ပန်းပွင့်များနှင့်အရွက်များပြုလုပ်မယ်။ပန်းပွင့်ပြုလုပ်နည်းကစာရွက်ကိုအလျားအနံတူညီစွာဖြတ်ပြီး၊အလယ်မှတစ်ဝက်တိတိ၊ထောင့်စွန်းနှစ်ဘက်မှခေါက်၍ပုံပါအတိုင်းအတွင်းသို့ခေါက်ပါတယ်။ပြီးနောက်အစွန်းမှအနည်းငယ်ခေါက်၍စာရွက်ကိုပြန်ဖြန့်ကာ၊ပုံပါအတိုင်းဆက်လက်ခေါက်ရပါတယ်။ရလာတဲ့စာရွက်ခေါက်ရဲ့ဘေးဘက်အစွန်းတွေကိုဆက်လက်ခေါက်ပြီး၊အတွင်းဘက်သို့ပြန်ခေါက်မယ်။အနားတွေကိုခဲတံဒါမှမဟုတ်ပေတံသုံး၍အတွင်းသို့ကွေး၍ခေါက်လိုက်ပါတယ်။စုစုပေါင်းသုံးပွင့်ခေါက်မှာပါ။အစိမ်းရောင်အရွက်များလည်းဖြတ်ပြီး၊ပန်းပွင့်အရွက်များနှင့်ဘောင်ပေါ်အလှဆင်ကော်ကပ်ပါတယ်။

Written by @asterkame
MSC-008
By my photos & made by me