ရဟန်းနှင့် တောင်းရမ်းခြင်း

" အရှင်ဘုရား လိုအပ်တာရှိလျှင် ပြောပါဘုရား " ဆိုတဲ့ စကားနဲ့ ရင်းနှီးခဲ့ရတာတော့ ကြာခဲ့ပါပြီ ။ သို့ ပေမဲ့ တစ်ခါမှ မဖွင့်ဟခဲ့ဖူးပါ ။ မိဘတောင်မှ ကြာတော့ မကြည်ဖြူဘူးဟုပင် စိတ်အထင်ကရောက်မိပြန်တော့ All the best အားလုံးအဆင်ပြေတယ် ဆိုတဲ့ စကားပဲ အမြဲပြောဖြစ်တယ် ။ တစ်ချို့ ရင်းနှီးတဲ့ မိတ်ဆွေတစ်ချို့တော့ ရှိပါသည် ။ ဘာလိုအပ်နေလဲ ဆိုတာပဲကြည့်ပြီး ဖြည့်ဆည်းပေးကြတယ် ။ ဘာလိုချင်လဲလို့  မမေးကြဘူး ။ တကယ်တော်ပါပေတယ် ။ ဘာလို့ ဆို စစ်မှန်တဲ့ရဟန်းတစ်ပါးအဖို့  လိုအပ်ချက်ကို တောင်းဆိုရတာ ငိုပြနေရတယ်လို့  ထင်ကြတယ် ။ " ငိုတတ်တဲ့ ကလေး မုန့် စားရမှန်း "သိပေမဲ့ မသထာရေစာမျိုးစားမိမှာတော့ အလွန်ကြောက်ပါသည် ။ စေတနာပါသည် မပါသည်ထက် မလွှဲသာလို့  ပေးရကမ်းရတာမျိုးကို လက်မခံချင် ။ ဖြစ်နိုင်လျှင် မိမိကိုယ်တိုင်သာ ငှက်အပေါင်းနားသည့် သစ်ပင်ကြီးပမာ ဖြစ်ချင်ခဲ့ပါသည် ။

တောင်းရမ်းခြင်း ဆိုတဲ့ စကားလေးကို အနည်းငယ် update မြှင့်ကြည့်တော့ အကောင်းအဆိုးတွေ ရောထွေးနေလေရဲ့ ။ ကိုယ်က တောင်းလိုက်လို့  ရသည်ဆိုပါတော့ ပျော်ရွှင်မှာ သေချာတယ် ။ ဒါပေမဲ့ ပေးသူဘက်က မကြည်ဖြူတဲ့အခါ နှမြောတသဖြစ်ပြီး ဒေါမနသတွေပွားမှာမြင်ယောင်နေပါသည် ။ ပေးသူယူသူ မျှတူစိတ်ထားနိုင်ရင်တော့ အကျိုးကြီးမားတာပေါ့ ။ ရှေးအခါက ရသေ့ညီနောင်နှစ်ပါးရှိတယ်။ မြစ်ကမ်းဘေး တဲလေးထိုးပြီး တရားကျင့်ကြတဲ့အခါ ညီဖြစ်သူရသေ့လေးကို မြစ်ထဲက နဂါးမင်းကြီးတွေ့ပါလေရော။ ဒီမှာပဲ ရှေးရေစက်ကြောင့် ချစ်ခင်မြတ်နိုးသွားလေရဲ့ ။ နေ့ တိုင်း ရသေ့ငယ်လေးကို သူ့ ကိုဟ်လုံးကြီးနဲ့ ရစ်ပတ်ပြီး စောင့်ရှောက်နေပေမဲ့ ။ ရသေ့ငယ်ခမျာ ပုထုဇဉ်သာသာမို့  ကြောက်အားပိုကာ တစ်နေ့ ထက်တစ်နေ့  ပိန်ချုံးလာခဲ့သည်။ ဒါနဲ့ပဲ အကိုဖြစ်သူက နဂါးကြီးမုန်းအောင်လုပ်တဲ့နည်း ညီရသေ့ကို သင်ပေးလိုက်တယ် ။ အဲ့ဒါ တောင်းရမ်းခြင်းပဲ ။ နဂါးကြီးလာတဲ့အခါ ညီရသေ့က နဂါးကြီး တန်ဖိုးထားတဲ့ လည်ဆွဲပတ္တမြားကိုတောင်းတယ် ။ နဂါးကလည်းမပေးချင်ဘူး ။ နောက်နေ့  ထပ်တောင်းတယ် နဂါးက မပေးပြန်ဘူး ။ နောက်နေ့ ကျတော့ ပေါ်မလာတော့ချေ ။ ဘာလို့ ဆို တောင်ရမ်းသူကို မုန်းသွားလေပြီ ။ ဒါကြောင့် တောင်းရမ်းခြင်းက အမုန်းပွားစေတယ်ဆိုတဲ့ အသိလေး ရခဲ့တယ် ။

နောက်ဥပမာတစ်ခုက တောင်းရမ်းခြင်း၌ ရှက်ကြောက်ခြင်းပေါ့ ။ တစ်ခါက ဘုရင်ကြီးတစ်ပါးတောကစားထွက်ရင်း တောထဲက ရသေ့ကြီးတစ်ပါးကို ကြည်ညိုစိတ်နဲ့ မင်းဥယျာဉ်ထဲကိုပင့်ပြီး ကိုးကွယ်တယ် ။ အရှင်ဘုရား အလိုရှိပါက မင်းစည်းစိမ်တောင် လှုဝံ့ပါတယ်လို့  လျှောက်ထားပေမဲ့ ရသေ့ကြီးကတော့ လိုအပ်တယ်လို့ တစ်ခါမျှမပြောခဲ့ဖူးချေ ။ သူလိုအပ်သည်က မြက်ဖိနပ်လေးတစ်ရံပါ ။ ဒါပေမဲ့ မြက်ဖိနပ်လေးတစ်ရံတောင်းဖို့ အတွက် တိုင်းပြည်အုပ်စိုးမင်းလုပ်နေတဲ့ သူအပေါ် အားနာခဲ့တယ် ။ ရှက်ရွံ့ခဲ့တယ် လိုအပ်တာကို မကြည့်ဘဲ ။ လိုအပ်တာ ပြောပါဆိုတဲ့ ဘုရင်ကြောင့် ရသေ့ကြီးနှုတ်ဆိတ်နေခဲ့ရတယ် ။ ဒီလိုနဲ့ လေးနှစ်လောက်အောင့်အည်းပြီးမှ မတတ်သာတဲ့အဆုံး ဘုရင်ဆီက မြက်ဖိနပ်လေးတစ်ရံ အလှုခံခဲ့ရတယ် ။ ဒီတော့မှ ဘုရင်က စိတ်မကောင်းဖြစ်ရတယ် ။ ဘာလို့ လဲ သူရဲ့အားနည်းချက်ကို သူမြင်သွားတယ် ။ ပေးဖို့ တွေးနေပေမဲ့ ဘာပေးရမလဲ သူမလေ့လာခဲ့ဘူး။ ရသေ့ကြီးခမျာလည်း တောင်းဖို့ တွေးပေမဲ့ နှုတ်မရဲခဲ့ဘူး ။ ဒါကြောင့် တောင်းရမ်းခြင်းဟာ အင်မတန်မှ ကြီးလေးတဲ့ အလုပ် ခက်ခဲတဲ့အလုပ်လို့  ယူဆမိတယ် ။ ဒါကြောင့် မိမိလည်း ကိုယ်တတ်သိနားလည်သလောက် ကိုယ့်လိုအပ်ချက်တွေကို ကိုဟ်တိုင်ရှာဖွေဖြည့်ဆည်းတယ် ။ သူများဆီက လက်မဖြန့် ရလေ မျက်နှာငယ်ရသက်သာလေပေါ့ဆိုတဲ့ အတွေးနဲ့ steemit မှာရုန်းကန်နေရသေးသည် ။ အပြစ်မမြင် ချစ်ခင်စေပါစေဟူ၍သာ ။

မိမိအား ချစ်သူ မုန်းသူ ထိုထိုလူ စိတ်၏ ချမ်းသာခြင်း ကိုယ်၏ကျန်းမာခြင်းနှင့်ပြည့်စုံကြပါစေ ။

MSC-181
Author @gunapeya