လျှပ်တစ်ပြက်
စတီးမစ်နှင့် ဝေးကွာခဲ့သည်မှာ ၁၄ ရက်ဆိုသော အချိန်တစ်ခုရှိသွားခဲ့ပေပြီ။
ထိုအတောအတွင်း မည်သည့် ပို့စ် မှ မတင်နိုင်သလို မည်သူ့ကိုမှလည်း ဗုတ် နှင့် ကွန်မန့်မပေးခဲ့နိုင်ခဲ့ပေ။ ကျွန်တော် မပျက်မကွက်ကြိုးစားမည်ဟု SL အားကတိပေးခဲ့သော G4 ရဲ့ ပရို တွင် ပို့စ် မရေးတင်နိုင်သည်မှာလည်း
နှစ်ပတ်ဆက်တိုက်ဖြစ်သွား၍ လွန်စွာ အားနာမိပါသည်။
လူဆိုသည်မှာလည်း မရှိ ရှိတဲ့အလုပ်နဲ့ အလုပ်ရှုပ်နေသည့်အမျိုးမို့ အလုပ်ရှုပ်နေလို့ မတင်နိုင်တာပါ ဟုတော့ မပြောလိုပေ။ တကယ်က အလုပ်ရှုပ်ခြင်းထက် စိတ်မကောင်းဝမ်းနည်းလွန်း၍ ရေးစရာအကြောင်းအရာ စဉ်းစားမရခြင်း၊ ရေးချင်စိတ်မရှိခြင်းကြောင့် ဆိုလျှင် ပိုမှန်ပေလိမ့်မည်။ အဘယ့်ကြောင့်နည်း ??
ထိုနေ့က ယခင်နေ့များလိုပင် ပုံမှန်အတိုင်း ဘာမှထူးခြားမှုမရှိ။ ဈေးလေးရောင်းလိုက် စတီးမစ်လေး ဝင်ကြည့်လိုက်၊ တစ်ခါတစ်ရံ
ဖေစ့်ဘွတ်ခ်လေးသုံးလိုက် ပုံမှန်အတိုင်းပင်။
ဖေ့စ်ဘွတ်ခ် သုံးရင်း ပို့စ်လေးတစ်ခု တွေ့မိသည်။ " သဘာဝနဲ့ တွေ့ဆုံခြင်း" ဆိုသောစာသားလေးနှင့် တွဲကာတင်ထားသော ပုံလေးများ ။ မိမိတို့ အဆောင်မှ ပထမနှစ် ကျောင်းသားလေး မြတ်မင်းကျော်၏ ပို့စ်တစ်ခု ဖြစ်သည်။ ပုံတွေကတော့ ထန်းတောပုံများနှင့် ထန်းရည်အိုး အမြည်းများကို ရိုက်ကာ တင်ထားခြင်းဖြစ်၏။ tag တွဲထားသူများကိုကြည့်လိုက်တော့ 4BE, 5BE နှစ်ကြီးသမားများ ။ " ဟာ .. ဒီကောင်လေးတွေ ခုမှ ရောက်ခါရှိသေး ထန်းတောရောက်နေပြီဟ ..ဆိုပြီး တွေးမိလိုက်သေး၏။
သင်္ကြန်မတိုင်ခင် ပထမတစ်ဖြတ်ပြီး၍ ဒုတိယ တစ်ဖြတ်တက်ရန် ပြန်လာခြင်းဖြစ်သည်။ ခါတိုင်နှစ်များလိုမဟုတ်ဘဲ ငါးလပိုင်းတစ်လလုံး ကျောင်းပိတ်ခြင်းဖြစ်၍ ယခုမှ ပြန်ရောက်
ကြခြင်းဖြစ်သည်။
ထို့နောက် အခြားသတင်းများဖတ်လိုက် ၊ ဗွီဒီယို အတိုလေးတွေကြည့်လိုက်လုပ်ပြီး ဖေ့စ်ဘွတ်ခ် ထဲမှ ထွက်လိုက်သည်။ နောက်ပြီး အဆောင်တွေဘက်သို့ ရေတင်ပေးရန် လာခဲ့၏။ ထိုအခါ မြတ်မင်းကျော် ပို့စ်တွင် tag တွဲထားသည့်အထဲမှ နှစ်ယောက်ကို တွေ့လိုက်ရ၏။
" ဟာ ဟေ့ရောင်တွေ .. မင်းတို့ ထန်းတော
ရောက်နေပြီထင်တာ .. မင်းတို့မပါဘူးလား .." ကျွန်တော်မေးလိုက်သည်။ "မပါဘူး အစ်ကို .. မြတ်မင်းကျော်နဲ့ ဇော်ထက် နှစ်ယောက်တည်းသွားတာ .."
" သြော် .. အေး.. အေး .. အပြန်ဆိုင်ကယ်စီးရအုံးမှာ .. မူးမနေနဲ့အုံးလို့ ဖုန်းဆက်ပြောလိုက်အုံးဟ .." ဟု ကျွန်တော်ပြောလိုက်သည်။ " ဟုတ် .. အစ်ကို .. ဆက်လိုက်မယ် .."
"အေး .. အေး .. အရမ်းမူးနေတယ်ထင်ရင် ငါ့ညီတို့ သွားခေါ်လိုက်ကြအုံး .." ကျွန်တော် ဒီလောက်သာပြောပြီး ပြန်လာခဲ့မိသည်။
ဇော်ထက်ဆိုသည်မှာ မိမိတို့ အဆောင်တွင်နေသော 5BE mechanical မှ ကောင်လေး
ဖြစ်သည်။ နောက်တစ်နှစ် တက်ပြီးလျှင်
အင်ဂျီနီယာလေးတစ်ယောက်ဖြစ်ပြီပေါ့ဗျာ။ ကျွန်တော်တို့နဲ့ စ လိုက် နောက်လိုက် ၊ တစ်ခါတစ်လေ ညကြီးမိုးချုပ်မှ " အစ်ကို .. ဗိုက်ဆာလို့ပါ .. မာမားလေး နှစ်ထုပ်လောက်ရောင်းပေးပါအုံး .. ပိုက်ဆံတော့ မှတ်ထားပေးအုံးနော် .. အိမ်ကပြန်လာမှ ပေးမယ်ဗျ ..
ကော်ဖီမစ်လေး နှစ်ထုပ်လောက်ရော ဟီး .."
ဆိုပြီး ပြောတတ်သူ ။
Photo Credit - Zaw Htet
ထို့နေ့ ညနေပိုင်း ၆ နာရီခန့်တွင် ကျောင်းသားလေးတစ်ယောက်မှ " အစ်ကို .. ဇော်ထက်တို့ အက်စီးဒန့် ဖြစ်လို့တဲ့ဗျ .. အခု စစ်ကိုင်းဆေးရုံမှာတဲ့.. ကျွန်တော်တို့ လိုက်သွားမလို့ .." " ဟေ .. အေး .. အေး .. ဖြည်းဖြည်းမောင်းသွားကြအုံး .. အစ်ကို့ဆီ အခြေအနေ ဖုန်းဆက်အုံး ..မင်းတို့ ဘယ်လိုသိတာလဲ .. သူတို့ဖုန်းဆက်လို့လားဟ .." "မဟုတ်ဘူးအစ်ကို .. ဖေ့စ်ဘွတ်ခ်ပေါ်မှာ ပုံတွေတွေ့လို့ "
သူတို့လည်း အဲ့ဒီလောက်သာပြောပြီး မောင်းထွက်သွားကြသည်။
ကျွန်တော် သူတို့ပြောသောပုံကို ဖေစ့်ဘွတ်ခ်တွင်လိုက်ရှာသည်။ တော်တော်နဲ့ မတွေ့ပါ။ စစ်ကိုင်းသတင်းနှင့်ပတ်သက်သော နေရာတွေလိုက်ရှာသည်။ မတွေးသေး။ နောက် တစ်နေရာပြီး တစ်နေရာ ...
ထိုစဉ် ဖုန်းဝင်လာ၏။ ဆေးရုံသို့ လိုက်သွားသော ကျောင်းသားလေးတစ်ယောက်
ခေါ်ခြင်းဖြစ်သည်။
" ဟလို .. အေး ညီ ပြော .."
" အစ်ကို .. ဇော်ထက် နဲ့ မြတ်မင်းကျော် နှစ်ယောက်လုံး ဆုံးပြီအစ်ကို .." ပြောရင်း သူက ငိုပါလေရော ..
" ဟာ ....... သေချာလို့လားကွာ .. "
" ဟုတ်တယ် အစ်ကို .. ဖြစ်တဲ့နေရာမှာတင် ဆုံးတာ .. အိုးဘို ကျန်းမာရေးကားနဲ့ ဆေးရုံကို သယ်လာတာတဲ့ .."
" အေး .. အေး .. အစ်ကို အခုလာခဲ့မယ် .. "
ပြောပြီး ကျွန်တော် ဆေးရုံသို့ ပြေးရပါလေပြီ။
ရင်ခွဲရုံ ဆီရောက်တော့ မြင်ရက်စရာမရှိသော မြင်ကွင်းက ဆီးကြိုနေ၏။ ဇော်ထက်က ဝဲဘက်ဦးခေါင်းပွင့်ထွက်လျှက် .. ရုပ်ပျက်ဆင်းပျက်ပင်။ နောက်တစ်ယောက်က သူ့လောက်မဆိုးပေမယ့် ခေါင်း နောက်စိမှ သွေးတွေ အိုင်ထွန်းလျှက်.. နှစ်ယောက်လုံး အသက်မရှိတော့ချေ .. သူတို့တွေကို ကြည့်ကာ ကျွန်တော် ကြက်သေသေနေမိ၏။ ငိုနေသော သူတို့သူ
ငယ်ချင်းတွေကိုလည်း ဘယ်လိုနှစ်သိမ့်ရမှန်းမသိသလို ကိုယ်တိုင်လည်း ရင်ထဲ တစ်ဆို့နေ၏။ " ဟေ့ရောင် မင်းဒီလို မဖြစ်ရဘူးကွာ ..
မမောင်းနိုင် ငါတို့လှမ်းခေါ်လို့ရရဲ့သားနဲ့ကွာ ..ငါ့ကောင်ရာ .. " ငိုရင်းပြောနေသော သူ့သူငယ်ချင်းများ အသံကို နှစ်ယောက်လုံး
ကြားနိုင်စွမ်းမရှိတော့ပေ။ ကွေးသောလက်မဆန့်မီ ဆန့်သောလက်မကွေးမီ ဆိုသည်ကို
ကြားဖူးပေမယ့် ဒီသေခြင်းတရားကတော့ တဆိတ် မြန်လွန်းသည် ထင်မိသည်။
ထို့နောက် တာဝန်ကျ ရဲဝန်ထမ်းများကို သူတို့ မိဘနာမည်များ ဆက်သွယ်ရန်ဖုန်းနံပါတ်များ
ပေးကာ ဆက်သွယ်ရသည်။ တိုက်မိသော ကားနှင့် ကားသမားကိုလည်း ဖမ်းမိထားပြီ
ဖြစ်ကြောင်းပြော၏။ ကိုယ်တွေပင်
မျက်စိရှေ့မြင်နေရပါလျှက် မယုံနိုင်သေး သည်ကို သူတို့မိဘများအနေဖြင့် ချက်ခြင်း
လက်ခံနိုင်ဖို့ရာ အတော် ခက်ခဲလိမ့်မည် ဆိုတာကိုလည်း ကိုယ်ချင်းစာမိ၏။ နောက်ပိုင်းရက်များတွင် သူတို့မိဘများမှ ကလေးနှစ်ယောက်လုံးကို ကိုယ်စီ အိမ်ပြန်သယ်သွားကြ၍
တစ်နေရာစီ ဖြစ်နေသော နာရေးများသွား
ခြင်း၊ ရက်လည်များသွားခြင်း၊ အဆောင်အ
နေဖြင့်လည်း သံဃာများပင့်ကာ အဆောင်
တွင်းဆွမ်းကပ် တရားနာခြင်း တို့ကို
လုပ်ဆောင်ရလေသည်။
Photo Credit - Myat Min Kyaw
မဖြစ်နိုင်မှန်းသိသော်လည်းလေ ..
အကယ်၍ ၅ မိနစ်ခန့် စောပြန်ခဲ့လျှင် ...
အကယ်၍ ၅ မိနစ်ခန့် နောက်ကျပြန်ခဲ့လျှင် ...
အကယ်၍ ဆိုင်ကယ်ဦးထုပ်သာ ဆောင်းထားခဲ့လျှင် ...
အကယ်၍ ...
အကယ်၍ ...
နောင်ဘဝ နောင်ဘဝများမှာ ဒီလိုအဖြစ်ဆိုးတွေနဲ့ ဝေးပါစေလို့ ဆုတောင်းလိုက်ပါတယ်
ညီလေးတို့ရေ ...
ကောင်းရာမွန်ရာ ဘုံဘဝကို
ရောက်ကြပါစေကွာ ..
Written by @myanmarpyithar
MSC 103
ဆန့်သောလက်မကွေးမီ ကွေးသောလန့်မဆန်ပခင်ဆိုတာတော်တော်မှန်တာနော် အစ်ကိုရေ။ဘယ်အချိန်မှာ ဘယ်လိုသေမယ်ဆိုတာကို ဘယ်သူ့မှမသိကြဘူးဗျာ။
ဟုတ်တယ် အစ်ကိုရေ .. အသေမဦးခင် ဥာဏ်ဦးမှ တော်လိမ့်မယ်ဗျာ ..
နေ့မြင်ညပျောက် တဲ့ သေခြင်းတရားပါလား
ဟုတ်ပါ့ အစ်မရေ .. မြန်ဆန်လွန်းတယ်ဗျာ ..
စိတ်မကောင်းစရာပါလားဗျာ😢
တကယ်ပဲ ကိုအောင်ကြီးရေ .. ကိုယ်တွေတောင် ရင်ထဲ ဆို့နင့် နေရောဗျာ .. မိဘတွေဆို ...
သေခြင်းက မသိနိုင်ပါလားကွယ်
သူတို့ သူငယ်ချင်းတွေကို ထန်းတောကနေ ပြန်ခါနီး video call လှမ်းခေါ်ခဲ့သေးတာတဲ့ဗျာ ..
ခွဲခွာရမယ်ဆိုတာ သိကြတယ် ဘယ်နေ့ လည်း ဘယ်အချိန်လည်းဆိုတာ မသိတော့ ဖြေသိမ့်မနိုင်ကြဘူး ခံနိုင်ရည် မရှိကြဘူးပေါ့
ဟုတ်ပါတယ် ဘုရား ..သေခြင်းတရားကို မေ့ထားတာမဟုတ်ပေမယ့် အဲ့လောက် မမြန်နိုင်လောက်ဘူး လို့ ထင်နေမိတာပါ ဘုရား ..
စိတ်မကောင်းစရာ ပါ ကြေချိန်မတန်ခင် ကြွေလွင့်ရတာ မိဘတွေဆိုရင်
ဘယ်လိုများ
ရင်ကျိုးရပြီပေါ့ အစ်မရေ ..ဇော်ထက်အမေဆို နှလုံးရောဂါ အခံက ရှိသေးဗျာ ..😢
စိတ်မကောင်းဖြစ်ရပါတယ်ဗျာ
ဟုတ်တယ်ဗျာ .. ရင်ထဲကို ဆို့နင့်နေတာပဲဗျာ ..
စိတ်မကောင်းစရာ
တကယ်ကို စိတ်မကောင်းစရာပဲ အစ်မရေ ..
ကိုထက် ငယ်သူကြီးသူမရွေးပါလားနော်...ကံတရားရယ်
ဟုတ်တယ် ကိုကြီးရေ .. အမှည့်တဝင်းဝင်း အကင်း တဖြုတ်ဖြုတ်ဆိုသလိုပဲဗျာ ..
Congratulations! This post has been upvoted from the communal account, @minnowsupport, by myanmarpyithar from the Minnow Support Project. It's a witness project run by aggroed, ausbitbank, teamsteem, theprophet0, someguy123, neoxian, followbtcnews, and netuoso. The goal is to help Steemit grow by supporting Minnows. Please find us at the Peace, Abundance, and Liberty Network (PALnet) Discord Channel. It's a completely public and open space to all members of the Steemit community who voluntarily choose to be there.
If you would like to delegate to the Minnow Support Project you can do so by clicking on the following links: 50SP, 100SP, 250SP, 500SP, 1000SP, 5000SP.
Be sure to leave at least 50SP undelegated on your account.
Thank you .