ကြိမ်လုံးကလေး လိုချင်မိသည် ...

---

Source

---

ဆရာဆိုတာ ...
အများတကာထက်
ခေါင်းပိုမြင့်သည့်အလား
လေးစားသမှု ဂုဏ်ပုဒ်ထူးဖြင့်
ပတ်ဝန်းကျင်က အပ်နှင်းသည့်အရာ
မဟုတ်ပါဘဲ ရှေးက ကြိုးကုတ်အားထုတ်မှုနဲ့
ကိုယ့်ဝန်းကျင်ထက် ပိုမိုများသည့် ပညာဥာဏ်ဖြင့်
မိမိအလင်းကို မီးကူးပေးရင်း လောင်ကျွမ်းသွားသော
ထွန်းတောက်လင်းသည့် ဖယောင်းမီး၏ ဆင်းသက်လာရာ
မီးဇာကုန်ဆီခမ်း ပီတိကိုသာ စားနေရသည့် မှိန်ပျပျအလင်းရှင်ပါ ...

---

အပိုင်း (၁) မှ အဆက် ...

တစ်ခါတစ်လေတော့ တွေးမိသည်။ အကောင်းအတိုင်းကျန်တယ်ဆိုတာ ဘာကို ပြောတာလဲ ... ကိုယ်ခန္ဓာကိုလား ... စိတ်ဓာတ်ကိုလား။ ကိုယ်ခန္ဓာ အတ္တဘောကတော့ ကျားကိုးစီး မကုန်ပေမယ့် စဉ်းစားဆင်ခြင်ဥာဏ်ကတော့ လိုတဲ့နေရာမှာ ပုရွက်ဆိတ်လောက်တောင် မရှိဘဲ ဖြစ်သွားနိုင်တာ မသိကြဘူးလား။ ဆရာအဆက်ဆက်ရဲ့လက်ထဲကနေ ထွက်လာတဲ့ ကိုယ့်ကလေးတွေက ကိုယ့်အာဘော် မဝင်နိုင်တာကို သည်းခံပေးရပါတယ်။ မိမိသက်သာရာရှာတဲ့ ဆရာတချို့ကြောင့် မိမိလက်ထဲမှာ မသက်သာတော့တဲ့ ကလေးတွေက မိမိကို မုန်းချင်မုန်းပါစေ ... သူတို့ကို မိမိသိသလို သိစေချင်သည့် စိတ်ဖြင့် လုပ်တော့ ကိုယ့်မှာ အရမ်းပင်ပန်းသွားရသည်။

စာကို အလွတ်ကျက် အလွတ်ဖြေစနစ်က ကလေးတွေရဲ့ ကစားချင်ဇော ထက်သန်မှုနဲ့ ပေါင်းစပ်လိုက်တဲ့အခါမှာတော့ မှားယွင်းတဲ့အကျင့်ဖြစ်လာသည်။ စာခေါ်ပေးတဲ့အခါ ကျောက်သင်ပုန်းမှာ စာရေးပေးတဲ့အခါ ပြည့်စုံပြီ ထင်ချင် ထင်ကြပါမည်။ သို့သော်လည်း မျက်စိအားနည်းသည့်ကလေး နောက်တန်းက မျက်စိအားနည်းသည့် ကလေးများက ၄င်းစာကို မည်သို့ မှန်အောင် ကူးပါမည်နည်း။ စာခေါ်သော်လည်း အသံက တိုးသည့်အခါ ကလေးပီပီ အာရုံများနေသည့် အခါ မည်သို့ မှန်အောင် ရေးနိုင်ပါမည်နည်း။ ကစားချင်ဇောဖြင့် စာအုပ်မှာ စာရှိရင် ပြီးရော ... သတ်ပုံမှားနေသည်များကိုလည်း မည်သို့ ပြင်ဆင်ပေးပါသနည်း။ ရေးပေးသည့်စာများကို ဖြေလာသည့်အခါ မှားသည်များကို ကလေးက သျှမ်းတယ်ဟု အကြောင်းပြချက်တစ်ချက်တည်းဖြင့် ကလေးစိတ်ထဲမှာ မိမိက ဒီလိုအကျင့်ရှိတတ်သည်ဟု အဘယ့်ကြောင့် ထင်မှတ်သွားအောင် လုပ်ရပါသနည်း။ ကလေးစာကူးတာ အဆင်မပြေမှုကြောင့် ကျက်မှတ်ရာမှာလည်း မှားယွင်းတာ ဖြစ်နိုင်ကြောင်း အဘယ်ကြောင့် မသုံးသပ်ရပါသနည်း။ လက်ပူတိုက်လာသည့်ကားကို မိမိဝပ်ရှော့မှာမှ အင်ဂျင်ချတော့ အသေးစိတ်လိုက်လံပြုပြင်နေရပါသည်။ မဖြစ်သင့်သည့် အပြစ်အနာအထာများကို ဖာထေးနေရသည်။ ထို့ပြင် ပေါ့စေလိုလို့ ကြောင်ရုပ်ထိုးကာမှ ဆေးကြောင့် မလေးအောင်လည်း သတိထားရပြန်သည်။

အကျိုးရှိက အကြောင်းရှိတယ်ဆိုသည့် စကားက ဘယ်အရာမဆို မှန်ပါသည်။ ကလေးများ၏ လက်ဦးဆရာက အမိနဲ့ အဖပါ။ ထို့နောက် ကျောင်းက ဆရာ/ ဆရာမက သွန်သင်ဆုံးမရသည်။ ၄င်းအမိအဖနှင့် ဆရာ/ ဆရာမမှာလည်း အလားတူ အမိအဖ ဆရာ/ ဆရာမတွေ ရှိခဲ့ဖူးသည်။ ၄င်းတို့ဟာ ပန်းခင်းလမ်းကို လျှောက်ခဲ့ရသူတွေ ဖြစ်ကောင်းဖြစ်မည်။ ထို့ကြောင့် လမ်းကြမ်းက တပည့်များကို မည်သို့ လျှောက်ခိုင်းမလဲ မသိခြင်းက ဖြစ်တန်ရာသည်။ ဆူးလမ်းခရီးကို ဖြတ်သန်းရသူလည်း ရှိမည်။ ထို့ကြောင့် အလကားနေရင်း ခရီးလမ်းကို ကွင်းရှောင်ခိုင်းသည့် အကျင့်က ပါကောင်း ပါလာပါမည်။ ဥပမာအားဖြင့် မိမိသည် အမိအဖနှင့် အတူနေခွင့် မရသူပါ။ ဆရာ/ ဆရာမများကိုသာ အမိအဖနှင့်မခြား ချစ်ခင်ခဲ့ရသော်လည်း ၄င်းဆရာ/ ဆရာမက နင်တို့ကို စာသင်တာ ငါတို့ကျောင်းနာမည်ရဖို့ ... ဒါကြောင့် နင်တို့ မကျအောင် အတင်းသင်ပေးနေရတာ ဆိုတဲ့ စကားကို စိတ်နာသွားတဲ့အခါ ကိုယ် စာသင်ကြားခွင့်ကြုံသည့်အခိုက်မှာ စေတနာကို ဖောဖောသီသီသုံးနိုင်အောင် ကြိုးစားပြီး ဆရာပါး မဝသေးမှုနဲ့အတူ ဂရုဏာဒေါသောတွေလည်း ပေါပေါများများ လျှံထွက်လာပါသည်။

ဒီနှစ် အတန်း ၃ တန်း သင်ဖို့ လက်ခံသည့်အခါ သာထူးတက်သည့်အတန်းက လာအပ်သူမှာ သာထူးတစ်ဦးတည်း ရှိတာကြောင့် သူ့ကို အနီးကပ် သင်ကြားပေးနိုင်ခဲ့ပါသည်။ ပြင်စရာတွေကို ပြင်ပေးသော်လည်း သူ့ရဲ့ ပေါ့ဆမှုက ကိုယ်ပေးသမျှ မရယူနိုင်အောင် ဟန့်တားနေခဲ့ပါသည်။ စာလည်း သင်သည်။ နည်းစနစ်လည်း ပြုပြင်ပေးသည်။ သို့သော် အမှတ်သညာမထားမှုကြောင့် မိမိအားထုတ်မှုမှာ သဲထဲ ရေသွန်ဖြစ်လာရသည်။ အချိန်တွေ ကုန်သွားသော်လည်း သူ့မှာ စာမရသောအခါ မိမိ၏ နည်းဗျူဟာများကလည်း ပြောင်းလာရသည်။ သွေးဆေးတိုက်နေရာမှ ဓာတ်ကြမ်းတိုက်ရသည်။ ဖိအားတွေ တအားပေးရသည်။ ပုံပြင်တစ်ပုဒ်ထဲကလို အိမ်အရမ်းကျဉ်းပြီး မိသားစု ၁၀ ဦးနှင့် မဆန့်မပြဲဖြစ်နေသည့် အိမ်ထဲကို အိမ်မွေးတိရိစ္ဆာန် တစ်ကောင်ပြီး တစ်ကောင်သွင်းပြီး ရက်အတော်ကြာ နေခိုင်းပြီးမှ တစ်ဖန် တစ်ကောင်ပြီး တစ်ကောင်ပြန်ထုတ်တဲ့အခါ မူလအခြေအနေအတိုင်း ဖြစ်သွားပေမယ့် အခုမှ အိမ်က ကျယ်သွားတယ်ဟု ပြောစရာဖြစ်အောင် ကြိုးစားရသည်။ ထည့်မတွက်မိတာက သူက မိမိပေးတဲ့ ဖိအားကို ခံယူဖို့ စိတ်ဓာတ်ခွန်အား မကြီးမားဘူးဆိုတာပါ။ ဖိအားကို ရှောင်သည်။ ကျောင်းစာသာ ပုံမှန် မဟုတ်သည်။ ဘောကန်တာကိုတော့ ဝါသနာကြီးပြီး ကျမ်းမာရေးချူချာတာကလည်း ရှိသေးသည်။ ထို့ကြောင့် ကျောင်းပြေးသည်။ ထို့ကြောင့် စာနောက်ကျရပြန်သည်။ တစ်ခါတစ်လေ စာတစ်ပုဒ်ကို နှစ်ရက်ကြာသည့်တိုင်အောင် မရသည့် အဖြစ်အပျက်များကလည်း ရှိသည်။

အခုလည်း ကျောင်းပြေးပြန်ပြီ။ စာသင်တာ တစ်ရက်နောက်ကျဦးမည်။ ကလေးဗဟိုပြုစနစ်က ကောင်းပါသည်။ သို့သော် ဗဟိုပြုသည့် ကလေးက ဘေးထွက်ထိုင်နေသည့်အခါ ဆရာက စက်ဝိုင်းအလယ်ရောက်သွားသည်။ ရိုက်နှက်တာက ကလေးကို စိတ်ဒဏ်ရာ ရစေသည်ဆိုပေမယ့် ရိုက်နှက်မှုဖြင့် ယဉ်ပါးလာသည့် ကလေးမှာတော့ ကျွဲပါးစောင်းတီးသလို အဖြစ်မျိုး ဖန်တီးခံသွားရသည်။ တုတ်မှတစ်ပါး အခြားဆေး မတိုးတော့ပါ။ မိမိစာ စတင်ပြတုန်းက ကြွေးကျော်ခဲ့သလို သေချာနားလည်အောင် ရှင်းပြမယ်ဆိုတဲ့ အသံက ပဲ့တင်ထပ်မလာဘဲ လေထဲမှာ မျောပါပျောက်ကွယ်သွားရပါပြီ။ ယခုတော့ မိမိလက်ထဲမှာ ကြိမ်လုံးကောင်းကောင်းတစ်ချောင်းသာ ရယူချင်သည့် စိတ်ဖြစ်ပေါ်နေသည်။ ဆရာ့ဒေါသကို ဖြေဖျောက်ချင်လို့ မဖြစ်စေရဘဲ အနာနဲ့ဆေး တည့်အောင် ပေးရသည်ဟုပဲ သဘောထားရပါတော့မည်။

---

Source

---

@sawlwin

MSC 176