စိတ္တဇ ဒဏ်ရာ...( ၁၄ )

ကားနားရောက်တော့ ကျမသည် ကားမှန်အပြည့်တင်ထားသော ထို အမျိုးသမီး၏ ရှေ့ဘက်ကားမှန်ကို ကိုင်လာသောဒုတ်ဖြင့် ရိုက်ခွဲလိုက်လေသည်။ ကားရှေ့မှန် သည် ကွဲမသွားသော်လည်း ပင့်ကူအိမ်သဖွယ် ကွဲအက်သွားလေသည်။ ကျမသည် မီးခြစ်ကို ထုတ်ကာ ကားကို မီးရှို့ဟန်ပြင်လိုက်ပြီး ထို အမျိုးသမီးကို ကားထဲမှ ဆင်းလာရန် အချက်ပြလိုက်လေသည်။ ထိုအခါ ကားတံခါးပွင့်လာပြီး ထို အမျိုးသမီးသည် ဒယီးဒယိုင်ဖြင့် ကားထဲမှ ထွက်လာလေသည်။ ကျမသည် ထို အမျိုးသမီး၏ တံခေါက်ကွေးနေရာကို ဖြတ်ရိုက်လိုက်သည်။ ဒူးထောက်လဲကျလာသော သူမကို ဆံပင်မှ ဆွဲဆောင့်ပြီး ခေါင်းမော့စေလျှက်ဖြင့်

'' ဟယ်ရီ နင် ငါ့ကို မှတ်မိလား ''

သူမသည် ကားမီးရောင်ကြောင့် မျက်လုံးကို မှေးစင်းလိုက်ရင်း ကျမ မျက်နှာကို ကြိုးစားကြည့်နေလေသည်။ ထို့နောက် အံ့သြသော မျက်နှာဖြင့်

'' နင် အန်ကယ်လေး သမီး မဟုတ်လား''

ကျမသည် ဟက်ဟက်ပတ်ပတ်ရယ်မောလိုက်ရင်းက

'' သိပ်ဟုတ်တာပေါ့ ဒါကြောင့် နင့်ကို ဆုံးမဖို့ ဒီညကို ငါ ဖန်တီး ခဲ့တာဘဲ အခု နင် ငါ့ကို ပေးဆပ်ရတော့မယ် ''

ကျမသည် ပြောလည်းပြော လက်ထဲက တုတ်နှင့်လည်း မျက်နှာကို ဖြတ်ရိုက်လိုက်လေသည်။ ထို အမျိုးသမီး၏ မျက်နှာသည်လည်ထွက်သွားကာ နှာခေါင်းထဲမှသွေးများ ဖြာကနဲကျလာလေသည်။ ကောင်းဇေက ကျမကို လှမ်းသတိပေးရင်း လက်ထဲမှ တုတ်ကို ဆွဲယူလိုက်လေသည်။

'' တော်တော့ သီရိ လက်လွန်သွားမယ် ''

source

ကျမသည် အကြံတစ်ခုရသွားကာ ကျမ၏ ရိုက်ချက်ဖြင့် ပျော့ခွေနေသော သူမကို သူမကားထဲသို့ ကောင်းဇေနှင့် စစ်မင်းကို တွဲပို့စေလေသည်။ ထို အမျိုးသမီးသည် ကားထဲရောက်သည့်တိုင် သတိလည်လာခြင်း မရှိပေ။ မူးနေသည့် အရှိန်လည်း ပါပေမည်။ ထို့နောက် ကျမသည် ကျမ ကားဆီသို့ ပြန်လာကာ ကားကို သူမကားဆီသို့ ဖြည်းညှင်းသွား မောင်းလိုက်လေသည်။ ထိုနောက် သူမ ကားကို တဖြည်းဖြည်း ရေကန်စောင်းဆီသို့ တွန်းချလိုက်လေသည်။ ထို အမျိုးအသမီးကားသည် ရေထဲသို့ တဖြည်းဖြည်းချင်း ထိုးကျ နစ်မြှပ်သွားလေသည်။ ကျမ သူငယ်ချင်းများသည် ပထမတော့ ကျမ ဘာလုပ်သည်ကို မသိရှိဘဲ ဝိုင်း၍ ကြည့်နေကျလေသည်။ နောက်မှ ကျမ ကားဆီ ပြေးလာကျကာ တားဟန်ပြုသည်။ သို့သော် နောက်ကျသွားပေပြီ။

ဝင့်ဝါနှင့် ယွန်းသည် ထိတ်ထိတ်ပြာပြာဖြစ်ကာ ကျမကို ကြည့်နေကျလေသည်။ စစ်မင်းက ဒေါသသံဖြင့်

'' သီရိ နင် ဘာလုပ်တာလည်း ဒါ လူသတ်မှုနော် နင် ပြောတော့ ပညာပေးရုံဆို အခု ဘယ်လို လုပ်ကျမလဲ''

ကျမသည် အေးစက်သော လေသံဖြင့်

'' ဘာလုပ်ရမှာလည်း စစ်မင်း အားလုံး ဒီနေရာကနေ လစ်ကျတာပေါ့ နောက်မှ ငါ ဆက်ပြောမယ်''

ကျမတို့ အဖွဲ့သည် ထိုနေရာနှင့် ဝေးနိုင်သမျှ ဝေးဝေး ပြေးခဲ့ကျလေသည်။ ထို ညမှ စ၍ စိတ္တဇ ဒဏ်ရာကို ဖြစ်စေသော အိမ်မက်ဆိုးများသည် ညတိုင်းလိုလို ခြောက်လန့်နေခဲ့ပါတော့သည်။

source

ဆက်ရန်...

@suhlaing
msc 175